MISHĀN 17:4 - Kathara Bible (BSI)

⁴ Chiwui thili nana khāmshuibing chi khuida ina nali samphang khavai kazip khavai kachonshimwui ningkhami oko mangāli haira.

MISHĀN 17:4 Iomraidhean Croise

SHONGZĀ 30:36

kala nana ngayarda shaokhanākkhuilu, kala kazip khavai kachonshimwui ningkhami oko mangāli ina nali samphang khavai pam chili ngayarda hailu; hi nawui vang tharmathengmeikap kaje ngasāra.

SHONGZĀ 30:6

Kala chi mairārwui alungshong ningkhami oko ngalemli, kala chiwui atungli khalei lukhamashan pamkhong mangāli hailu, ina nali chili samphangra.

MISHĀN 17:10

Prohona Mosesli hānga, “Aaronwui khāmshui chi ili makhamayābingwui machutkhui khavai sāda ningkhami oko ngalemli zanghailuishitlu, kaja ili mamayāmada athumna kakazep chi nana tangngasakhaolu; athum thipaishina.”

MISHĀN 17:3

kala Aaronwui aming Leviwui khāmshuitungli kapisanglu. Kaja shang ava̱va̱wui kathānawui khāmshui ava̱va̱ leira.

MISHĀN 17:7

Kala Mosesna khāmshui saikora chi ningkhami oko haikhavai kachonshimli Prohowui mangāli haimi.