MISHĀN 17:2 - Kathara Bible (BSI)

² “Israelwui mibingli hānglu, avāva̱ ngarāwui shimlākwui kathāna mi ava̱va̱wui eina khāmshui ava̱va̱, athum avāva̱ ngarāwui shimlāk athishurda khāmshui tharāda khani khuilu. Mi kachiva̱wui aming kachichāwui khāmshuitungli kapisanglu,

MISHĀN 17:2 Iomraidhean Croise

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

2 THOTRINCHĀN 31:17

Pāngmonbingna avāva̱ ngarā shimkhurwui eina aming chana, kala Levinaobingna khumkhum eina otsakwui athishurda kum maga̱ kākashung kala atungbingmāngli aming chana.

LAA 110:2

Zionwui eina Prohona nawui pangshapwui khānthing chihorai. Nawui yangkashebingwui alungli munglu!

LAA 125:3

Kaja makaphābingwui khānthingna, khamashungbingli mikahai ngalei chili mamungmara, maningsi kaja katharabingna athum pāng zangda khayon ot sāhaipai.

SHONGZĀ 30:26

Kala nana hi eina kazip khavai kachonshim kala ningkhami oko chili nana neomira,

SHONGZĀ 4:17

Kala khudam sāchithei khavai lijei hi nana khuiphungra.”

SHONGZĀ 4:2

Prohona ali hānga, “Napāngli kasing chi khikhala?” Ana hānga, “Lijeina.”

EZEKIEL 19:14

Apam eina mei chuishokta aphāngla atheila chuitāserhaira, chithāda khamakanga akungla maleilui, khamungawui khānthing maleiluimana. Hi malung kharing otna, chapngachā khavaina.

EZEKIEL 21:10

shaothat khavai kakharāna, rikhān thāda hingkhavai kakashutna! Maningkha nathum lumlaofarala? Inao nana thing eina kasā lijei saikorali ningkachai.

EZEKIEL 21:13

Kaja chi tamyangki kaji maningmana—nana lijeili ningkachaiakha china khi sarakhala?” da Proho VAREna hānga.

MICAH 7:14

Ngahong thingpheili ngachakyāng eina khalei, nawui yaobingli khāmshui singda hommilu; achālakhawui thāda athumli Bashan eina Gileadli phazāranu.

MISHĀN 17:1

Prohona Mosesli hānga,

MISHĀN 17:3

kala Aaronwui aming Leviwui khāmshuitungli kapisanglu. Kaja shang ava̱va̱wui kathānawui khāmshui ava̱va̱ leira.

MISHĀN 7:1

Mosesna tabernacle khaningkāda chiwui thongthāngbing saikora thao neolaga tharchigatta, kala hanphut chiwui khorkhongbing saikora thao neolaga tharchikatthang,