MISHĀN 16:5 - Kathara Bible (BSI)

⁵ kala ana Corah eina ali khangasobing chili hānga, “Ngathorshong Prohona awui mi khipa, kala mi khipā katharakhala kaji chitheira, kala ana kapangkakhui mi chili angalemli rānganai ngasakra.

MISHĀN 16:5 Iomraidhean Croise

LAA 105:26

Ana awui rao Moses, kala ana kapang kahai Aaronli chihovai.

LAA 115:10

O Aaronwui shimkhur, nathumwui shitkasang Proholi hailu! Ana athumwui ngachonkhame kala chāngveina.

LAA 65:4

Nana kapangkhuida nganai khangasak, nawui shimli kapama a chi sokhamina! Nawui kathara shim, nawui shimwui kaphā kasā china ithum ningyāng unghaora!

SHONGZĀ 28:1

“Chiwui thili nachinā Aaron, kala anaomayarabing ali ngasoda Israelnaobingwui eina pāngmon sāda ili sheba sākhavai — Aaron eina Aaronwui naomayarabing, Nadab eina Abihu, kala Eleazer eina Ithamar nawui ngalemli khuirālu.

SHONGZĀ 28:41

Kala nana nachinā Aaronli kala awui naomayarabingli ngavaimida, thao neomira, kala tharchisinmira kala tharchigatta ili otram ngatha̱da iwui pāngmon sāra.

SHONGZĀ 28:43

kala Aaron eina anaomayarabingna kazip khavai kachonshimli, lah katharapamli otram ngatha̱ khavai hanphut ngalemli kazang chitharan chi ngavaichingra; maningakha athum khalattawuitungli khayon khuirāda thipai. Hi awui vangla kala awui thiwui naothotwui vangla leichingki kaji shiyan-chikan ngasāra.”

JEREMIAH 30:21

Athumwui wungnaola athum khalattawui eina shokra, athumwui khamungala athum ngachaiwui eina rāra. Ina ali rānganai ngasakra, chieina ana ili rānganaira. Kaja khalatta khipāna ili rānganailengrakhala? da Prohona hānga.

JEREMIAH 49:19

Yanglu, khangazipa yaoshimli Jordan ngahongwui eina kazingkha̱ kashok thāda, ina athumli awui eina kashuirak eina yāmngasakhaora, kala ali mungkhavai ina khuikhangai mi akha kapangsangra. Kaja I kathā khipā leikhala? Ili yaokahoma khipāna ngasungshaprakhala?

JEREMIAH 50:44

“Yanglu, khangazipa yaoshimli rāzangkida Jordan ngahongwui eina kazingkha̱ kashok thāda, ina athumli kashuirak eina yām ngasakra; kala awuitungli ina ningkachānga mi akha kapangsangra. Kaja I kathā khipā leikhala? Ili khipāna horānkhala? Yaokahoma khipāna iwui mangāli nganingshaprakhala?

EZEKIEL 40:46

kala ngareikashangpa hina hanphutpamli otram khangatha̱bingwuina; Levi shimkhur ngachaili Zadokwui naomayarabing māngna hili zangda Proholi otram ngatha̱paira.

EZEKIEL 43:19

nathumna iwui ngalemli otram ngatha̱miki kaje Levishiwui pāngmonbing, Zadokshi shimkhurli suihamchigatwui vang mukkā akha khuimilu.

EZEKIEL 45:4

Hi kathara apam sāra, Proholi otram khangatha̱, katharapamli otram ngatha̱khami pāngmonbingwui sāra; kala chili athumwui shim sāra kala katharawui apam sāra.

PĀNGMONSHI 10:3

Chieina Mosesna Aaronli hānga, “Prohona hithāda kahāngna ‘Ili rākhanganaibingli ina iwui kathar chitheida mibing saikorawui mangāli ili tekmatei ngasakra.’ ” Chieina Aaron kasaikha pamhaowa.

PĀNGMONSHI 8:2

“Aaron eina anaomayarabingli hokhuilu; kala sāribingla, neokhavai thaola, kala suihamchigatwui vang mukkā akhala, kala yaovā khani eina khawok makazanga khamuiwui luk chila khuilu.

MALACHI 3:18

Chiwui thili akhashida nathumna khamashung khangarong eina makaphā makhayā, Vareli otram khangatha̱ eina makhangatha̱ mibingwui khangatei nathumna theikhuira.

MISHĀN 16:3

kala athumna Moses eina Aaronli makhamayāwui kazip akha khuida hānga, “Nani hennāhaira! Kaja yarui ashangva̱, athum kachiva̱ katharasera, kala Prohona athumli ngasomida lei; laga kachiwui vang Prohowui kakazip mibing hili lāngmeida nani khalatta sochikatkhala?”

MISHĀN 16:6

Hithāda sālu: Corah eina ali ngasokazata, nathum thaokhong khuirālu;

MISHĀN 17:5

Kala ina kapangkakhui mipāwui khāmshui chi ashon shonra; chithāda sāda Israel mibingna nawuitungli ngurngur matuiching kaji hi ina shimān ngasakhaora.”

MISHĀN 17:8

Kala akhama kathā Mosesna ningkhami oko haikhavai kachonshimli zanga; kala yanglu, Levi shimkhurpa Aaronwui khāmshui kharhairasai, awonla wonda almond khamin matheisai.

JOHN 15:16

Nathumna ili kapangkakhui maningmana, kha vāda athei mathei khavai kala athei chi mashimān khavai ina nathumli kapangkakhuina kala kachipamna; chieina nathumna iming singda kapo saikora Avāna mira.

OTSAK 1:2

ali kazingramli makhuikāranglakha awui paokazata sāda kapangkhui kahai mibingli Manglā Katharawui pangshap eina hāngmathinkhami chi ina kapihaira.

OTSAK 1:24

Chiwui thili athumna seihā sai, “Proho, mi kachiva̱wui kaphaning nana thei, chieina khalattana vākhangayiya apamli vākhavai

OTSAK 13:2

Athum kakhum eina Proholi seihā sāda leilakha Manglā Katharana hānga, “Ina sāngasakkhangai ot chiwui vang Barnabas eina Saulli phaishokmilu.”

OTSAK 15:7

Sha̱rākha ngayāt ngarok kahaiwui thili Peterna nganingkāda hānga, “Ivānaobing, atam kasāngkha thuihaira, nathumwui ngachaiwui eina Gentilebingli paokaphā hāshok khavai ili Varena kapangkhui, kaja ikhamorwui eina athumna Varetui shālaga shitsanga kaji nathumna thei.

OTSAK 22:14

Ana hānga, ‘Ithumwui avā ngarāwui Varena awui kaphaning theikhavai, Khamashungapā chi theikhavai kala akhalattawui akhon eina khamatui chi shākhui khavai nali kapangkakhuina;

EPHESIANAO 2:13

Kha ara nathum Khristali zanghaoda, katāva̱li leikasāwui eina Khristana tāmi kahai asheewui mangā eina nganaikhameili khuiungmihaira.

2 TIMOTHY 2:19

Kha Varewui khangazipa shimphunga chi mangachei ngasakrarmana, kala chiwuitungli hithada kapihaida lei: “Prohona awui mibingli thei kala Prohowui mina kajibing chi makhamashungwui eina latungphalungra.”

HEBREWNAO 12:14

Mi kachiva̱li chingri eina ngasopamda kathar eina okthuilu, chi maningakha Proholi khipākha kathei masamphangmara.

PHONGKHAMI 1:6

Kala Vare, Avāva̱li otram ngatha̱ khavai ithumli pāngmonwui wungram sāmihaira. Jishu Khristali mashimānda tekhamatei kala pangshap ngasāranu. Amen.

1 SAMUEL 2:28

Kala Israel shang saikorawui eina pāngmon sākhavai, iwui mangāli ephod ngachālaga, iwui hanphutli nganamkaphā riktā khavai ina ali kapangkhui; kala Israelwui mibingna ili rikkatā kachigat saikora ina navāwui shimkhurli mi.