MISHĀN 16:32 - Kathara Bible (BSI)

³² Kala ngaleina khamor makāda athum shimkhurwui mibing kala Corahwui mibing kala athumwui ot saikora eina ngasoda mayuisanghaowa.

MISHĀN 16:32 Iomraidhean Croise

HAOKAPHOK 4:11

Ara napāng eina tāngasak kahai nagatowui ashee, khamor makālaga zimkhui kahaiya ngalei chiwui eina nali khonshihaira.

1 THOTRINCHĀN 6:22

Kohathwui naobing: awui naomayara Amminadab, awui naomayara Corah, awui naomayara Assir,

1 THOTRINCHĀN 6:37

ali Tahathna, ali Assirna, ali Ebiasaphna, ali Corahna,

LAA 106:17

ngaleina ngachakkhaida Dathanli mayuisanghaowa, kala Abiramlonglila ja̱rorserhaowa.

LAA 141:7

Ngaleitungli lunggui shaokhaida ngapha̱ kahai thāda, athumwui ara̱kuila Kathewui ram khamorli yaoyānghaora.

LAA 84:1

Nawui pamkhavai kayākha leishikhala, O saikorawui Proho!

LAA 85:1

Proho nawui ngaleili nana ngahānngaiya, Jacobwui lan nana hanmiluishita.

LAA 88:1

O Proho, iwui Vare, ngachonmi khavai ngashunshong ina ngakaowa, nawui mangāli ina ngayāla ngakaowa.

ISAIAH 24:19

Okathui ngayāngchaohaira, okathui ngakhumpakhaira, okathui khanuk khayāngserhaira.

ISAIAH 5:14

Chiwui vang Kathewui ramwui kathai mataisanghaira; kala khamorla mangatamkharar sāda makātaranga, kala Jerusalemwui khangamkhareibing, kala awui yarui katonga, awui mibing kala ali kasobing chili tāzangaa.

MISHĀN 16:17

nathum ava̱va̱na Prohowui mangāli thaokhong ava̱va̱li thao sanglaga nathum katongawui thaokhong shākhani hangphangā khuirālu; Aaron, nala, kachichāwui thaokhong khuirālu.”

MISHĀN 16:30

Kha Prohona ngateihang kahai kadhar sākhuida, kala ngaleina khamor khamakā eina athum kala athumwui khalalei saikora mayuisangda Kathewui ramli kharing eina zanghaiakha nathumna theira, kaja athumna Proholi chipathaira.”

MISHĀN 16:31

Kala ana tui saikora hi matuikup kahai eina, athumwui azingli khalei ngalei chi ngachakkhaihaowa.

MISHĀN 16:33

Chiwui vang athum kala athumwui thongthāng saikora kharing eina Kathewui ramli vāhaowa; kala ngalei chi ngashimluida athum yarui kazipwui eina shimānhaowa.

MISHĀN 16:49

Chitharan Corahwui otshot chili thikahaibing mazangla kazātkashina thikahai mi thingtharāda mati shāshinina.

MISHĀN 26:10

ngaleina ngachakkhaida Corah eina ali khangayurbingli mayuisangrumhaowa, ali khangayurbing thithang kala meina mi shākhani hangphangā chuitāthang, athum chi kahaka machut ngasāhaowa.

MISHĀN 26:11

Chithālala Corahwui naomayarabing mathimana.

MISHĀN 27:3

“Ishāvā lamhāngli thihaira, a Proholi makhamayābing Corahna thānda kakazipli mazangmana; kha akhalattawui moreiwui vang kathina, kala awui nao mayarnao maleimana.

MISHĀN 4:18

“Kohath shangwui shimkurbing Leviwui eina mashimān ngasaklu,

KHALATLUI 11:6

Reubenwui naomayara, Eliabwui naomayarabing Dathan eina Abiramli ana khisa; kathāda ngaleina khamor makālaga, anilila, ashi shimkhur, athumwui kachonshimbing, kala aniwui thi kashura katongali manglākapai saikorali ngasoda mayuisangkhala kaji katonga hi Israelwui alungli shoka;

PHONGKHAMI 12:16

Kha ngaleina ngachonmida dragonna kapha̱kashok tara̱ saikora chi ngaleikakaili zimsanghaowa.