MISHĀN 16:30 - Kathara Bible (BSI)

³⁰ Kha Prohona ngateihang kahai kadhar sākhuida, kala ngaleina khamor khamakā eina athum kala athumwui khalalei saikora mayuisangda Kathewui ramli kharing eina zanghaiakha nathumna theira, kaja athumna Proholi chipathaira.”

MISHĀN 16:30 Iomraidhean Croise

JOBWUI LAIRIK 31:2

Atungshong Varewui eina iwui yar, kala kajuili kapama Sāshap-pangshapawui eina iwui shimluikat khi leira?

JOBWUI LAIRIK 31:3

Makhangarongawuitungli kalāshāt matāmala; kala kalākashi khayonkhamāng kasābingwui maningmala?

LAA 124:3

ithumli athumna kharing eina mayuitāhairara; athumna ithumli malungkhavāt tharan;

LAA 55:15

Athumli kathi rāshungranu; kharing eina Kathewui ramli vāranu; khangachee khangachā eina chikhurli zangranu.

ISAIAH 28:21

Perazim kaphungli kasā thāda, Gibeonwui tampākli kasā thāda Prohona malungvātra; Awui sāki kaji ot chi—ngakheikhang kahai otna.

ISAIAH 43:19

Yanglu, ina kadhara ot sādalei; shokmamāndalei kaji matheimala? Ina lamhāngli chānrei akha sāra, siwukli kong longngasakra.

ISAIAH 45:12

Okathui ina sākhui, chiwuitungli mi sai; kazingrambing phayaikashok chi ipāngna, kala chili khalei saikora chili ina kasoda kashokna.

ISAIAH 45:7

Kahorla tangkhamangla ina sai, kaphāla kashila ina sai, saikora hi kasā Proho chi ina.

JEREMIAH 31:22

O shitkasang makhaleiva̱, karankha ningchungpamfarakhala? Kaja Prohona okathuili ot kadhar akha sāhaira: sha̱nao akhana mayarnao akhali kanmi.”

EZEKIEL 31:14

Hiwui eina thuida tara̱pamwui thingrong kajuiya muiyā makāzokluimara; kaja tara̱ zimkhamanga thing khangachā chiyākha majuiluimara, athumli chithit kahaina, kazeikhurli zangkahai kathinaoli ngasoda tangmangting kahai apam chili pamrumra.”

MISHĀN 16:31

Kala ana tui saikora hi matuikup kahai eina, athumwui azingli khalei ngalei chi ngachakkhaihaowa.

MISHĀN 16:33

Chiwui vang athum kala athumwui thongthāng saikora kharing eina Kathewui ramli vāhaowa; kala ngalei chi ngashimluida athum yarui kazipwui eina shimānhaowa.