MISHĀN 16:29 - Kathara Bible (BSI)

²⁹ Kalikha mibing hi mikumowui khangachā mithit eina thiakha, lah kalikha athum mikumowui kalāshāt samphangakha, Prohona ili chihokharā maningmana.

MISHĀN 16:29 Iomraidhean Croise

1 WUNGNAOBING 18:36

Ngazin pha̱kaphayā atam ungkashung eina marān Elijahna hanphut ngalemli vanganingda hānga, “O Proho, Abraham, Isaac, kala Israelwui Vare, aja na Israelwui Varena kaji, kala I nawui raona kaji, kala ina kasāsā hi nawui tuina kaji aja zimik theikhuiranu.

1 WUNGNAOBING 22:28

“Na chingri eina latungluisi kaje” Micaiahna hānga, “Prohona ili hāngmi khangasak maningmana!” Kala ana hānga, “Miyur saikora iwui tui hi nganālu.”

2 THOTRINCHĀN 18:27

Micaiahna hānga, “Nana chingri eina latungsi kaje ili Prohona chitheikhami maningmara.” Kala ana, “Nathumla shāserlu” da hānga.

JOBWUI LAIRIK 35:15

Arui awui malungkhavātna tandi mamithuda, kala morei kasāli tarākha manganāsangmithuda,

SHONGZĀ 20:5

athumli khayāmashipaimara lah makhorumpaimara; khikhalajila Proho nathumwui Vare iya mikpaikashe Varena, ili ningkakachaiali avāva̱ ngarāwui naongarāli naothot kakathuma kala khamate eina tangda tandi khame,

SHONGZĀ 32:34

Kha ara, taulu, kala ina hāngkahai apam chili mibingli thānvālu; yanglu, iwui kazingraona nathumwui mangāli zatra. Chithālala, I kharā chitharan, ina athumwui morei chi athumwuitungli hāngsangra.”

HĀSHOKME 3:19

Kaja mikumowui angasut eina sābingwui asut ngaraichai; akhana kathi thāda akhapāla thipapama. Athum saikora khaksui ngaraichai, kala mina sābingli mataikhamei maleimana; kaja saikora aremana.

ISAIAH 10:3

Katāva̱wui eina siphan zingrotwui alungli tandi mikhavai, rāki kaji zimikshothang nathum khi sāra? Ngachonmi khavai khipāli yāmvāra, kala nathumwui lan kali nothāhaora?

JEREMIAH 5:9

Otsakbing hiwui vang athumli ina tandi mamimarala? da Prohona hānga, kala hikathā yurli ina athut mahāngsangngayimala? da Prohona hānga.

CHAPCHĀT 4:22

O Zionwui naongalāva̱, nawui khayonkhamāngwui vang kashong khalāng kuphaira, ana nali maraithāluimara; kha O Edomwui naongalāva̱, nawui khayonkhamāngwui vang kashong lāngra, nawui morei ana phongshokmira.

PHONGKHAMI 11:5

Kachikathāna anili makaphā sākida khangarān saakha, khamorwui eina mei shokta yangkashibingli shimān ngasakra; kala anili makaphā saki kaje mi chili chithada sāthatra.