MISHĀN 16:26 - Kathara Bible (BSI)

²⁶ Kala ana yarui ashangva̱li hānga, “Makhayā mibingwui rāmrah hiwui eina yāmulu, kala athumwui moreiwui vang nathumla mashimānrum khavai athumwui khikhanidala masāza̱alu.”

MISHĀN 16:26 Iomraidhean Croise

HAOKAPHOK 19:17

Athumli khuishok kahaiwui thili hānga, “Mathi khavai yāmulu, khanuk makapeiungalu; kala tampāklungli mangasāmlakalu; phungreishong yāmkāhaolu, maningakha nathumlila chuithathaora.”

ISAIAH 52:11

Thulu, thulu, hiwui eina shokulu, makathar ot masāza̱alu, awui eina shokta, nakhalatta tharngasaklu, Prohowui khorkhong kasingbing nathum.

JEREMIAH 51:6

“Babylonwui eina yāmulu, mi kachiva̱ ichichāwui manglā huikhuiranu! Ali tandi khamilungli mazangrumalu, kaja Prohowui athut hāngkasang atamna, ali mikhangayi tandi khami tharan.

MISHĀN 16:25

Chieina Mosesna ngakarthuida Dathan eina Abiramwuili vai, kala Israelwui khararnaobing ali shura.

MATTHEW 10:14

Kala nathumli khipānakha marāzang ngasakngaiakha kala nathumwui tui manganāsangmiakha, shim lah keinung chiwui eina zatkathui tharan nathumwui pheiwui chifa chi kathangtāhailu.

OTSAK 13:51

Chieina athumli makhamayā chitheida anina aniwui pheili chifa kakā chi kathangtāhailaga Iconiumli vāhaowa.

OTSAK 8:20

Kha Peterna hānga, “Nawui pheisā chi nali shimānrumra kaja Varewui lemmet hi lupā eina lokhuipai da nana phaninga!

2 CORINTHNAO 6:17

Chiwui vang Prohona hānga, “Athumwui eina yāmshoklu, kala athumwui eina ngateihaolu. Makathar ot masāza̱alu, chithākha ina nathumli khuisangmira.

KHALATLUI 13:17

Chiwui otyur nathum akhala pāngli mangathānpaimara; chithāda sāda Prohona malungkhavāt nemhaida nathumli phaningmida lumashanmira kala navā ngarāli ngashitmi kahai thāda nathumli mataisang ngasakra.

1 TIMOTHY 5:22

Pāng khangkāda dharkachigat ot kasāli makatotnālu, miwui makaphā otsakli nalila phenpaishina. Tharlak eina pamlu.

PHONGKHAMI 18:4

Chiwui thili ina kazingramwui eina akhon akha shālui. “Iwui mibing! awui eina yāmulu. Awui morei kasāli zangpaishina, awui ka̱lāshatli zangpaishina!