MISHĀN 16:22 - Kathara Bible (BSI)

²² Anina mai mashunzangda hānga, “O Vare, manglākapai saikorawui Vare, mi akhana morei kasāwui vang yarui ashangva̱li malungvātrala?”

MISHĀN 16:22 Iomraidhean Croise

HAOKAPHOK 18:32

Chiwui thili ana hānga, “Prohona malung mavātmiranu; akhamāng hānghaoga, chānjam sāda tharā leisasi kaja kathara?” Ana ngahānkai, “Tharā chiwui mangā eina ina mashimān ngasakmara.”

2 SAMUEL 24:1

Israelwuitungli Prohona malungvātluihaida, Davidli ning za̱ngasakta hānga, “Vālu, Israel eina Judah shānkhuilu.”

2 SAMUEL 24:17

Chiwui thili kazātkashi rākhangasaka kazingrao chili kathei eina Davidna Proholi hānga, “Yanglu, ina morei sāhaira; kala ina makaphā ot sāhaira, kha yaonaobing hina khi sāhaokhala? Nawui pāng chi ili tāranu, kala ishāvāwui shimkhurli tāranu.”

JOBWUI LAIRIK 12:10

Kharinga kachiva̱wui manglā kala mikumo saikorawui khaksuila awui pāngli leisera.

LAA 99:6

Moses eina Aaron awui pāngmonbingli zangsai, Samuella awui mingli khangakaoli zangsai. Athumna Proholi ngakaowa, kala ana athumli ngahānkāmi.

HĀSHOKME 12:7

kala chifana ngaleili horzakta mahanungranglakha, kala manglānala Varewuili latkhaung atam marāranglakha phaningunglu.

ISAIAH 57:16

Kaja ina mangahātchingmara, kala ina malungla vātching majimara; kaja manglā iwui eina shoka, kala kharingwui khaksui ina sākhuiya.

JEREMIAH 32:27

“Yanglu, I Prohona, phasā khavai saikorawui Varena; iwui vang sakkhanā leila?

JEREMIAH 38:16

Chieina awunga Zedekiahna ngathumda shākhi sāda hānga, “Ithumwui manglā sangkhame Prohowui ming singda kahāngna, ina nali masāthatlakmara, kala nawui manglā khuikida phākazata athumwui pānglila mahorsangmilakmara.”

EZEKIEL 18:4

Yanglu, manglā saikora iwuina; avāva̱ ngarāwuila anao ngarāwui manglāla iwuisera: morei kasā manglā chi thira.

PĀNGMONSHI 10:6

Kala Mosesna Aaron eina anaomayara khani Eleazar eina Ithamarli hānga, “Nathumwui kuisam makhalaalu; kachonla maserkhakalu, nathum thihaipaishina, mibingwuitungli malungkhavāt rāpaishina, kha Prohona chuingasakta chuikathat hiwui vang nachinā ngarā Israel shimkhur katongana sifaranu.

PĀNGMONSHI 4:3

kasāpa chi thao neomi kahaia pāngmon sāsāda, ana mibingli yonngasakakha, ana morei sākahai chiwui vang suihamchigat sākhavai achuk kapei mukkā akha Proholi chigatra.

ZECHARIAH 12:1

Israelwui pongli Prohona kahāngna: Kazingram phayaikashoka, okathui rungkhame kala mili manglā semsangkhame Prohona hithāda hānga:

MISHĀN 14:5

Chiwui thili Moses eina Aaronna Israel katongawui mangāli mai mashunzanga,

MISHĀN 16:23

Kala Prohona Mosesli hānga,

MISHĀN 16:4

Mosesna chi kashā eina, a mai mashunzanghaowa;

MISHĀN 16:45

“Yarui ashangva̱ hiwui eina yāmulu, hunkhawui lungli ina athumli shimān ngasakhaora.” Kala anina mai mashunzanghaowa.

MISHĀN 27:16

“Phasā khavai manglā saikorawui Vare Prohona yarui ashangva̱wuitungli mi akha kapangmiranu

ROMNAO 5:18

Mi akhana morei kasāwui vang mi saikorali yonngasak kahai thada, mi akhawui khamashung otsak china mi saikorali ningkhān kala kharing samphang ngasaka.

1 CORINTHNAO 13:7

Leikashina ot saikora phungmi; saikora shitsanga, saikora chihāna; saikora ja̱mi.

HEBREWNAO 12:9

Okathui avāva̱ ngarāwuishong jiakha athumna ithumli machina kala ithumna athumli khayāshi. Chithākha Manglāwui avāva̱li kayākha sakmeida khayākashi eina ngasoda ringrakhala?

JOSHUA 22:18

chieina nathum aja Proholi kashurwui eina ngareithuihaorala? Kala aja nathumna Proholi ngakaishiakha awui malungkhavāt chi akhama Israel ashangva̱wuitungli tāra.