MISHĀN 15:9 - Kathara Bible (BSI)

⁹ mi china mukkali ngasoda tharāzat kachigatwui vang mathir khamanat khuilui akha akhum tharāwui khum kathum, thao lengkhor akhawui tangkhaili manatlaga chigatra,

MISHĀN 15:9 Iomraidhean Croise

1 THOTRINCHĀN 21:23

Chieina Ornanna Davidli hānga, “Khuimilu; kala ishāmei awungana phāra kaji chi sāmilu; yanglu, rikkatāchigatwui vang iwui mukvā lei, thingwui vang okkaithing lei, kala muisakchigatwui vang kehula lei, ina saikora hi mikahaina.”

NEHEMIAH 10:33

maiyan khamuiwui vang, kachat maleila muisakchigat sākhavai, machatlakla rikkatā kachigat, sabbathwui, changwokwui, retmi kahai phanit, kathara otwui, kala Israelwui morei maseimi khavai suihamchigat sākhavai, kala ithum Varewui shimli sāvai khavai ot saikorawui vangna.

EZEKIEL 42:13

Chiwui thili ana ili hānga, “Atungshongwui kā eina azingshongwui kā kayāngli yangngasungda khalei hi kathara kāsera; Proholi khokharuma pāngmonbingna, tharmathengmeikap kaje pha̱kaphayā chi chili shaira; chili tharmathengmeikap kaje pha̱kaphayā, tharāzat kachigat, suihamchigat, khayonchigat pha̱ki kajina; kaja apam chi kathara apamna.

EZEKIEL 46:11

Phanitli kala ngashit kahai tamli, tharāzat kachigat sākhavai mukkānaoli khuilui akha, mevā akhali khuilui akha, kala yaonaowui vang mikashap eina tangda mira, khuilui akhali thao lengkhor akha ngaso jira.

EZEKIEL 46:15

Chithāda, ngathor kachida, yaonao, kashakazā kachigat kala thao machatlakla rikkatāchigat sākhavai ngarānmiphalungra.

EZEKIEL 46:5

kala tharāzat kachigat sākhavai yao akhawui vang khuilui akha mira, kala ana kashap eina tangda tharāzat kachigatwui vang yaonao akha mira, kala khuilui akhawui vang thao lengkhorkha sangra.

EZEKIEL 46:7

tharāzat kachigat tharan ana mukkā akha eina ngasoda khuilui akha, yao akha eina ngasoda khuilui akha; kala yaonaobing eina ngasoda ana kashap eina tangda mira, khuilui ava̱va̱wui vang thao lengkhor akharip sangra.

JOEL 1:9

Tharāzat, ra̱shakchigat katathaira. Prohowui shim eina pāngmonbing, otram khangatha̱bingna sifaya.

JOEL 2:14

Proho nathumwui VAREna ning ngacheihaida ana mavātlakla somilapai. Chitharan Vare Prohowui vang muisakchigat, ra̱shakchigat nathuma chigatpai.

PĀNGMONSHI 14:10

“Kachishatathang achuk kapei yaovā khani kala kumkhawui achuk kapei yaolā akha kala tharāzātchigatwui vang manaktak kahai mathir khuiluiwui sharuk tharawui kathum thao eina manātta chi ana khuirāra.

PĀNGMONSHI 6:14

“Kala tharāzāt kachigatwui ain hithai. Aaronwui naomayarabingna Prohowui maiyanli, hanphutwui mangāli chigatra.

PĀNGMONSHI 7:37

Hi rikkatā kachigat, tharāzāt kachigat, suihamchigat, khayonchigat, tharkachigatwui kala ningyatchigatwui ningkhamina.

MISHĀN 15:10

kala nana ra̱shakchigatwui vang zam lengkhor akhawui tangkhai mei eina kachigat sāda hi Proholi ningyāngkhaung nganamkaphā chigatra.

MISHĀN 15:8

Kala nathumna rikkatā kachigatwui vang mukkā lah khangashit kasā ungshung khavai pha̱kaphayā, lah Proholi ningyatchigatwui khangarān kasā chitharan:

MISHĀN 28:12

kala mukkā ava̱va̱wui vang thao khamanāta tharāzātchigatwui mathir khuilui akhawui akhum tharāwui kathum; kala yaovā akhawui vang thao khamanāta tharāzātchigatwui mathir khuilui akhawui akhum tharāwui khani;

MISHĀN 28:14

Athumwui ra̱shakchigat chi mukkā akhawui vang lengkhor akhawui tangkhaira, yaovā akhawui vang lengkhor akhawui khum kathumwui akhara; kala yaonao akhawui vang lengkhor akhawui khum matiwui akhara. Hi kum peidawui kachāngchāngli mei eina rikkatā kachigatna.

MISHĀN 29:6

Hi changwokwui rikkatā kachigat eina chiwui tharāzāt kachigat, kala machatlakla rikkatā kachigat eina tharāzātchigat, ra̱shakchigat shiyan-chikanwui athishurda Proholi ningyāngkhaung nganamkaphā rikkatā kachigat saikorali lāngda chigatra.

1 SAMUEL 1:24

Kala nao china na̱ reikahai eina, kum kathumwui mukkā akha, mathir shungkha, drakhāra̱ sangkhavai sāhuikhongkha da khuiphunglaga Prohowui shim Shilohli khuikai, chitharan nao chi nganuisai.