MISHĀN 15:39 - Kathara Bible (BSI)

³⁹ kala hi yanglaga nathumna Prohowui ningkhami saikora phaningung khavaina, kala chi sākhavaina, nathum khalattawui ning kala mikli nathumna mathanglak eina shurthuikapai chili mashur khavai vangna.

MISHĀN 15:39 Iomraidhean Croise

1 WUNGNAOBING 12:33

Bethelli ana hanphut sakā kahai chili akhalattawui ningli machukping kahaiya kachāng kachishatawui zimiksho tharāda kaphangāthang kai; kala Israel mibingwui vang phanit akha chili samida ana nganamkaphā rikkhavai hanphutpamli kai.

JOBWUI LAIRIK 31:7

Iwui pheikārna shongfa chiwui eina thuihaiakha, kala iningna imikwui thi shurakha, ipangli achuk akha eina tangda kāsākha;

LAA 106:39

Chithāda sāda athumwui otsak eina athum makathar ngasāhaowa, kala athumwui otsak khayorva̱̱wui otsak sāthuihaowa.

LAA 73:27

Kaja yanglu, nawui eina tāda khaleibing shimānserra; nali kachipatbingli nana tangngasakhaora.

SHONGZĀ 13:9

Kala hi machutkhui khavai nathumwui pāngli kala phaningung khavai nathumwui khaveili leichingra, chithāda sāda Prohowui tamkachithei nathumwui morchaili leikhavaina; kaja Prohona pāngthei kharei eina nali Egyptwui eina khuishokmi.

CHĀNSAM 28:26

Khalattawui ningli shitkasang mi chi mangkhama̱na, kha thangkhamei eina kazat mili kanshokmira.

CHĀNSAM 3:1

Inaomayara, iwui tamkachithei mamalaihaialu; kha iwui ningkhami hi nawui wuklungli hailu;

HĀSHOKME 11:9

Mathānlu, O Yaronnao, na yaronshaplakha, yaronshaplakha ningngasa̱ta eina, nawui ningwui kala nawui mikwui apongli zatlu; kha ot saikora hiwui vang Varena nali bicharpamli khuirāra kaji theilu.

JEREMIAH 9:14

kha ashāvā ngarāna tamchithei kahai thāda khalattawui kaphaning sātingtingda Baalwui thi shurthuihaowa.

EZEKIEL 6:9

chieina mi ngaleili yāmkhavā nathum raithā kahaili khuivā kahai chitharan ili phaningungra, kaja iwui eina pākthui kahai athumwui maphākakhui ning chi ina sakhaikhami tharan, kala maphākhuilakla meoma̱li shurkazatwui mik chi ngapeo ngasakhaora; kala athum khalattawui mikyanli athum khalatta, athumna makhangayi sākahai saikora chiwui vang ningkachaira.

HOSEA 2:2

Hānglu, nava̱li hānglu, kaja a ipreiva̱̱ maningmana, kala I agahara maningmana — awui khayor otsak chi horhaoranu, kala awui phokaphā chi chihohaoranu;

KHALATLUI 29:19

Tuingashit hi shālaga a khalatta ningli sotmasaoda kachikathāna, ‘Ngakaishida zatsālala ili kanmira’ da hāngpai. Kha hina khanimpamlila kathengpamlila kalākashi samphang ngasakra.

KHALATLUI 4:23

Nathum khalatta ningngasharlu, maningakha Proho nathumwui Varena ngashitmi kahai chi malaihaipaishina, kala Prohona makhamayā meoma̱ sakhuipaishina.

KHALATLUI 6:12

ning ngasharlu, maningakha nathum narkahai shim, Egypt ngaleiwui eina khuikashoka Proho chili malaihaipaishina.

KHALATLUI 8:11

“Ina aja nathumli hāngkahai Proho nathumwui Varewui kagaso, shiyan-chikan hi malaihaipaishina, nganākhuilu:

KHALATLUI 8:14

nathumwui ningli lāngsoda, nathumli tuknar kahai shim, Egyptwui eina thānshokkhame, Proho nathumwui Vareli malaihaipaishina,

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.