MISHĀN 15:24 - Kathara Bible (BSI)

²⁴ kala yarui ashangva̱na chi matheimada sākahai ngasasaakha, ashangva̱ saikorana mukkānao akha rikkatā kachigat sāda chigatra, Proholi ningyāngkhaung nganamkaphā tharāzat kachigat kala ra̱shakchigat eina ngasoda sharphahorwui athishurda sāra, kala mevā akha suiham chigatwui vang chigatra.

MISHĀN 15:24 Iomraidhean Croise

EZRA 6:17

Kala Varewui shim dharkat phanitli mukkā shākha, yaovā shākhani, yaonao shāmati, kala Israel saikorawui vang suihamshar sākhavai Israelwui shang mashing athishurda me tharāda khani chigata.

EZRA 8:35

Atam chitharan raithā kahaiwui eina latkhaung, athumna Israelwui Vareli rikkatā kachigat chigata Israel katongawui vang mukkā tharāda khani, yaovā hangchikoda tharuk, yaonao hangshinida shini, kala suihamsharwui vang mevā tharāda khani, saikora hi Prohowui mangāli rikkatā chigatsera.

PĀNGMONSHI 23:19

Kala nathumna suihamchigatwui vang mevā akha, kala ningyatchigat hanphutwui vang kumkhawui yaovānao khani da chigatra.

PĀNGMONSHI 4:2

Israelnaobingli hānglu, Prohona masāpaimara da kaso kahaiwui ngachaili kachikathāna matheimada akha sahaiakha,

PĀNGMONSHI 4:22

Ngalei khamunga akhana matheila morei sahaida, awui Proho Varena masālu kaji ot akha sāhaida yonhaiakha,

PĀNGMONSHI 4:23

ana khayon sākahai chi ali theingasak kahai tharan, ana awui suihamchigatwui vang achuk kapei mevā akha khuirāra,

PĀNGMONSHI 5:15

Prohowui kathara otli kachikathāna yonda sānguihaiakha, awui suihamchigat sākhavai Proholi achuk kapei yaoshangwui eina yaovā akha chigatra, chiwui aman shekel lupāsā, kathara shimwui shekel athishurda nana khuilu; hi khayonchigatna.

PĀNGMONSHI 5:18

Ana achuk kapei yaoshangwui eina yaovā akha pāngmonli khuirāra, kala suihamchigatwui thāda nana aman chākkhuilu, chieina pāngmon china awui khayon chiwui vang pheomi khavai sāra, kala ali pheomihaora.

MISHĀN 15:23

Prohona Mosesli shichinlaga kaso kahai ningkhami mithangwui eina thuilaga nathumwui thot kachida masaakha,

MISHĀN 15:26

Kala Israel yarui ashangva̱li kala athumli ngasokazat kha̱mibingli pheomira, khikhalajila yarui ashangva̱na khayon chili zangser kahaina.

MISHĀN 28:15

Kala suihamchigatwui vang Proholi mevā akha chigatra, hi machatlakla rikkatā chigat eina ra̱shakchigatli lāngda chigatki kajina.