MISHĀN 14:8 - Kathara Bible (BSI)

⁸ Prohona ithumli ningyāng ungakha, ana ithumli ngalei chili thānzangda seina̱ eina khuira̱ khalonga apam chi ithumli mira.

MISHĀN 14:8 Iomraidhean Croise

2 SAMUEL 22:20

Ana ili khamashā pamli khuishokmi; ngahānkhangaiwui vang ili kanshokmi.

1 WUNGNAOBING 10:9

Nali ngahānngailak eina Israelwui awunga sākhangasaka nawui Vare Proholi sochikatranu! Khikhalajila Prohona Israelli katang mavaila leikashiwui vang mashun kala khangarong eina bichar sāmi khavai nali awunga sāngasakhaira.”

2 WUNGNAOBING 18:32

nathum lamli ngaraikachā apam, zātla, theishiraila, kashakazā yur drakhā yāmgui, olive eina khuira̱ khavāt makhalei apamli okthui khavai makhuivāranglakha eina tangda nathum chingri eina leipapamra. Prohona ngatangshokmira da Hezekiahna kahāng chi makhuisanglu.

LAA 22:8

“Ana Proholi chihāna, chieina ali huimiraanu, ali kanmiranu, kaja ana awui lungli mathāna!”

SHONGZĀ 3:8

Chieina athumli Egyptnaobingwui eina kanshok khavai, kala chiwui eina thānshokta seina̱ eina khuira̱ khalonga khamathā kala khamashā apam Canaannao, Hitnao, Amornao, Periznaobing, Hivnaobing, kala Jebusnaobingwui ngaleili thānvā khavai I katāna.

ISAIAH 62:4

Nali Horkahai da maholuimara, kala nawui ramli Ramcho da maholuimara; kha ina nali Iwui khamathān ali lei da hora, kala nawui ramli Shakzā kahaiva̱ jira, kaja Prohona nali mathāna, kala nawui ramli ngakumra.

JEREMIAH 32:41

Athumwui vang kaphā sākhamili ina mathānra, kala iwui ningla yāngla tongda ina athumli ngalei hili okthui ngasakra.

ZEPHANIAH 3:17

Nawui Vare Proho nathumwui alungli lei, raikhoka rai yuikhame chi; ana nawui vang ringphāda mathānra, nali awui leikashi alungli mirin kadhar miluishitra; nawuitungli ana ringkaphāwui laa pangda vaora, phanit phanaoli kasā thāda.

MISHĀN 13:27

Kala athumna Mosesli hānga, “Nana ithumli kachiho ngalei chili vai; ngalei chi seina̱ eina khuira̱ longa, kala hi chiwui atheina.

MISHĀN 16:14

Chili lāngda nana ithumli seina̱ eina khuira̱ khalonga ngaleili mathānzangmana, lah lui kala drakhā yāmguibingla mamirarmana. Mibing hiwui mik latshokmihaoga kajila? Ini marāmara.”

ROMNAO 8:31

Chithākha ithumna hili khi hāngluira? Vare hi ithumwuina jiakha khipāna ithumli yangshirarra?

KHALATLUI 10:15

Chithālala, navā ngarāli Prohona ningli haida leishimihaokada athumli kala athumwui ara̱-azā nathumli kapangkhui, kala ajawui hithāda yur kateiwui alungli leikhangasakna.

JOSHUA 14:12

Chieina ara Prohona chitharan hāngkahai thāda kaphungram hi ili milu; kaja Anakimnaobingna athumwui keinungbing ngaveikazakhailaga pamda lei kaji chithang nala shai. Prohona kahāng thāda ana ili ngasomira kala ina athumli kashamshokshapra.”