MISHĀN 14:43 - Kathara Bible (BSI)

⁴³ Khikhalajila Amaleknaobing kala Canaannaobing nathumwui mangāli lei, nathum athumwuili pitāra; kaja nathumna Proholi kashurwui eina yāmhaira, Prohona nathumli mangasomimara.”

MISHĀN 14:43 Iomraidhean Croise

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

2 THOTRINCHĀN 15:2

ana Asali angaroklaga hānga, “Ili nganālu, Asa, kala Judah eina Benjaminshila: Nathumna Proholi ngasolakha eina tangda anala nathumli ngasomira. Nathumna ali phaakha ali samphangra; kha nathumna ali malaihaiakha anala nathumli malaihaora.

LAA 44:10

Yangkashebingwui eina nana ithumli yāmngasakta; yangkashebingna rāngaponkhui.

ISAIAH 63:10

Kha athumna ngakaishida, awui kathara Manglāli khanang ngasaka; chiwui vang a athumwui yangkashe sāthuihaowa, kala akhalatta athumli ngarara.

HOSEA 9:12

Athumna nao pharāsalala ina akhala mashākmila khuithuiserhaora. Ina athumli pākkahai tharan, athum kakhanang ngasāranu!

PĀNGMONSHI 26:17

Ina nathumli yangngakheihaida nathumli yangkashibingna sāthatra; nathumli ningkakachaibingna mungra, kala khipānakha makharomlala nathumna yāmzatra.

MISHĀN 13:29

Amaleknaobingna Negebwui ngaleili somda lei; Hitnaobing, Jebusnaobing kala Amornaobing phungreiramli pama, kala Canaannaobingna shamadrushong kala Jordan ngaheivāk pamdalei.”

MISHĀN 14:25

Ara tampāk chili Amaleknaobing eina Canaannaobing pamhaoda, akhama ngareikhuida Red Sea shongfa shurda lamhāngvāk vaulu.”

MISHĀN 14:42

Makālu, nathumwui yangkashibingwui mangāli nathum pitāhaora, kaja Prohona nathumli mangasomimana.

MISHĀN 14:44

Kha Prohowui tuingashit oko eina Moses rāmrahwui eina zatkaphokli mazanglala athumna phungreiram chili kāhaira da phaninga.

KHALATLUI 28:25

“Prohona nathumli nathumwui yangkashibingwui mangāli mai shingasakra; nathumna apong akha eina vāra, kala athumwui eina apong shini eina yāmra; kala nathum okathuiwui wungram saikorana mayangkhangaia ngachee khavai ngasāra.

JOSHUA 22:15

Athumna Gileadwui ngaleili Reuben, Gad kala Manasseh shang tangkhaili, vāda athumna athumli ahānga,

JOSHUA 7:12

Chiwui vang Israelwui mibing athumwui yangkashebingli mangasungkhararna. Athum yangkashebingwui eina yāmhaowa, kaja athuma shimānkapai otbing kathā ngasāhaira. Nathumwui alungwuili khalei otbing chi masākazamranglakha eina tangda, ina nathumli mangasomiluimara.

WUNGVA̱-WUNGVĀ 16:20

kala ana “Samson! Philistinenao rāhaira” da kahāng eina ngakarthuirasai. Kala “Ngathānthangwui thāda ina yāmshokshapa” da hānga. Kha ali Prohona mangasomiluimana kaji a matheisāthuwa.