MISHĀN 14:3 - Kathara Bible (BSI)

³ Prohona kachiwui vang eina ithumli raighaili thisang khavai ngalei hili thānkharākhala? Ithumwui preiva̱ kala naongarā athumwui sāshai ngasāhaora; ithumwui vanga Egyptli latung kahaina maphāmeimarala?”

MISHĀN 14:3 Iomraidhean Croise

NEHEMIAH 9:17

kahāngla manganāmana, kala nana athumli matakhak kahai ot sākachithei saikora chi athumna maphaningungmana; kha athumna ngakaishida Egyptli rao asalui khavai athum khalattawui kathāna phāsanga. Kha nava huimikhangaiya, lumashanmikhangai, malung mathuikazāra kala leikashi makhangacheina kapema Varena.

LAA 78:40

Lamhāngli kayākhashida athumna ali ngakaishikhala, kala siwukli ali ning saza̱ ngasakkhala!

SHONGZĀ 16:3

“Egypt ngaleili khaih, sāmāng shaida kashakazā mavātlakla thoting eina pamda Prohowui pāngli thihaisasi kaje phāra; khikhala jila mi hiyākha lamhāngli kathai eina thikhavai nanina ithumli thānkashokna.”

SHONGZĀ 5:21

Athumna anili hānga, “Prohona naniwuitungli bichar sāranu! Pharaoh kala awui otshinabingbingna ithumli yangkharing khavai sāmihaira kala ithumli sāthat khavai athumwui pāngli raighai chisinmihaira.”

JEREMIAH 42:14

kala, ‘Ngga, ithumna rai khangarar matheiki kaji, lah raiwui talla̱khon makashāpam, lah kashakazā makhavātpam Egyptli apamura’ jiakha,

JEREMIAH 42:19

“Prohona nathumli hānghaida lei O Judahwui shākkahaia, Egyptli mavālu da ina aja nathumli hāngmathinhaira kaji theishingkhuilu,

JEREMIAH 9:3

Athumwui malena malā thāda huna; khamashungwui vang maningla makhamashungna apam chili pangsanga, kaja athumna makaphāwui eina makaphāshong vai, kala athumna ili matheimana da Prohona hānga.

MISHĀN 11:20

kha nganamkashina mamalongairanglakha eina tangda kachāng peida shaira, kaja nathumli khangayur Proholi nathumna mamayāmada “Kachiwui vang eina ithum Egyptwui eina shoksākhala?” da chapa.’”

MISHĀN 16:13

Nana ithumli seina̱ eina khuira̱ khalonga ngaleiwui eina hoshoklaga lamhāngli chithit khavai kala nakhalatta ithumwui wungnao sākhavai kasā hi kapai otla?

MISHĀN 20:3

Kala athumna Mosesli ngasungda hānga, “Ithumla Prohowui mangāli ichināngarāli ngasoda thihaisasi kaja phālakra!

MISHĀN 21:5

Kala mibingna Varewuitungli kala Moseswuitungli mamayāmada hānga, “Khiwui vang ithumli lamhāngli chithit khavai Egyptwui eina thānkashokkhala? Kaja hili zāt kala tara̱la malei, kala makānkhanā zāt hila sānhaira.”

OTSAK 7:39

“Kha ishāvā ngarāna awui kahāng manganāthuwa, kala ali horhaida athum Egyptli hanungluishitngaihaoda

KHALATLUI 1:39

Chili lāngda nathumna sāshai ngasāhaora da kaphaninga nathumwui naongarābing, kala aja kashi-kaphā matheirang kaje athumna chili zangra, kala ina athumli chi mida athumwui ngasāra.