MISHĀN 14:21 - Kathara Bible (BSI)

²¹ kha kachangkhat eina, I leilakha eina tangda, kala okathui katonga hi Prohowui tekhamateina pemngasakki jihaoda,

MISHĀN 14:21 Iomraidhean Croise

LAA 57:6

Iwui chonsang khavai athumna khalen sangda; ining suitāhaowa, iwui shongfali athumna chom chuiya, kha athum khalatta chili tāzanga.

LAA 72:19

Awui tekmateilak kahai mingli sochingranu, awui tekhamatei okathui hupta pemranu, Amen, Amen!

SHONGZĀ 9:16

kha hiwui vang ina nathumli ringkhangasakna, iwui pangshap nathumli chitheida, okathui katongali iwui ming ngayaovāra.

ISAIAH 49:18

Namik kuimareida kapeiyanglu, athumna nawuili rākazipta lei. Prohona hānga, I ringlakha saikora hi nana sāri sāda ngavaira, nana chi khāmkahaiva̱wui thāda ngavaira.

ISAIAH 6:3

Akhana akhali hongarokta hānga: “Kathara, kathara, kathara chi saikorawui Prohona; okathui tongda awui tekhamateina pema.”

JEREMIAH 22:24

“Prohona hānga, ina katheina, Jehoiakimwui nao, Coniah Judahwui awunga hi iwui yāpangwui mahor namkhavai khutopna jilala, ina sershokhaora

EZEKIEL 18:3

“Ina kachangkhat kahāngna, chānjam hi Israelwui alungli nathumna masāluilakmara da Prohona hānga.

EZEKIEL 20:36

Egypt ngaleili navā ngarāli ina bichar kasā thāda nathumlila ina bichar sāra,” da Proho VAREna hānga.

EZEKIEL 33:11

Athumli hānglu: Vare Proho ina kachangkhat eina kahāngna, kaja, makhayā mi kathiwui vang iwui ringkaphā maleimana; kha makhayā mi china makhayā otsakwui eina latungda ringsi kaja chāng; latunglu, nawui makaphāwui eina latunglu; kaja khisathuda na thirakhala, O Israelnaobing?”

EZEKIEL 33:27

“Athumli hibing hi hānglu, Proho VAREna hānga: Kachangkhat eina ina kahāngna kaja, sakathān kahaipamli khaleibing raighai eina thiserra; kala lamli khaleibingli ina sāli chishaira; keinungli khalei kala lungkhurli khaleibing kazātkashi eina chithitra.

EZEKIEL 5:11

Chiwui vang eina Proho VARE ina kachangkhat eina kahāng hina, khikhalajila nathumwui masākhangayi ot, ningkakachai ot saikora chi eina iwui kathara shim sākhamāng ngasakhaoda, chiwui vang nathumli ina katathaora, imikna mayangkheilakmara, kala ina malumashanmimara.

HABAKKUK 2:14

Kaja okathuili Prohowui tekhamatei theikakhui china pemhaora, shamadru tara̱na kapem thāda.

ZEPHANIAH 2:9

Chiwui vang Moab eina Ammonnaobing Sodom eina Gomarrah thāhaora, akhar mashokkapai ka̱shātmāng kaji kala machi kotkhavai, makānkhanā lam ngasāchanghaora, iwui shāk kahai mibingna athumli ngaponra, kala iwui yurwui thishāk kahaibingna chili pānra,” da saikorawui Proho, Israelwui Vare ina kahāngna.

MISHĀN 14:28

Athumli hānglu, ‘I leilakha eina tangda’ da Prohona hānga, ‘Nathumna iwui miktāli hāngkahai chiwui athishurda ina nathumli sāra:

MATTHEW 6:10

Nawui wungram rāshungmilu; Kazingramli khavai thada, Okathuilila nawui ning eina vaimilu.

KHALATLUI 32:40

Kaja ina kazingramli ipāng khāngkai, kala ngashita, I leilakha eina tangda,