MISHĀN 14:19 - Kathara Bible (BSI)

¹⁹ Nawui hakkhamahā makhangachei leikashi chiwui athishurda, kala mibing hili Egyptwui eina thuilaga arui rāshungda pheomichingda khalei chiwui athishurda ina poli, mibing hiwui khayonkhamāng kapheomilu.”

MISHĀN 14:19 Iomraidhean Croise

1 WUNGNAOBING 8:34

nana kazingramli shāmida, nawui mi Israelwui morei kapheomilu, kala ishāvā ngarāli nana mikahai ngalei chili kathānungmiluilu.

LAA 106:45

Athumwui vang awui tuingashit chi phaningungda, awui makhangachei leikashi athishurda awui ning nemtā ngasaka.

LAA 78:38

Chithālala ava lumashanhaoda athumwui khayon pheomi, kala athumli masāshimānmana; kasangkharei malungkathui khāmhaiya, kala awui malungkhavāt saikora mamathuk ngasakmana.

LAA 85:2

Nawui mibingwui khayonkhamāng nana pheomi; nana athumwui morei saikora pheomi.

SHONGZĀ 32:32

Kha ara, nana mayāmiakha athumwui morei pheomilu—chi maningakha nawui lairikli kapi kahai iwui ming chi khuishokmihaolu da ina nali seihā sāda poli.”

SHONGZĀ 33:17

Kala Prohona Mosesli hānga, “Aja na iwui mikyanli ngahānkhangaiwui vang kala nali ina aming eina katheiwui vang; nana hāngkahai tui hi tāzakta ina sāra.”

SHONGZĀ 34:9

Kala ana hānga, “Ara ili nana nawui mikyanli lumashanmiakha, O Proho, ina nali seihā sāli, ithumli khangasozatmilu, miyurbing hi hāngda makhuilala Prohona ithumwui khalāng morei pheomihaida nawui shimlui miki kaji chili kathānvāmilu.”

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

DANIEL 9:19

O Proho, nganāmilu; O Proho, pheomilu; O Proho, katheimilu; mahuinahaialu, namingwui vang, O iwui Vare, kaja keinung kala mibing hi nawuina.”

AMOS 7:2

Ngalei chiwui khawo athumna shaikhupmi kahai thili ina hānga, “O Proho Varivara, kapheomilu, ina nali poli! Jacobna khi sāthukrakhala? Ava kateonaona!”

AMOS 7:5

Chieina ina hānga, “O Proho VARE! ngasāmmihaolu, ina nali poli! Jacobna kathāda nganingrarrakhala? Ava kateonaona!”

JONAH 3:10

Athumwui makaphā chihohaida ningkhangatei chi theilaga, Varena athumwuitungli makaphā sāra da hanghaikasā chi ngachei ngasakta ana athumli masāthuwa.

JONAH 4:2

Kala ana Proholi seihā sāda hānga, “Iram ngaleili leilakha hithārada ina nali mahāngmala? Hiwui vang ina thaklāk eina Tarshishli yāmkhavāna kaja ina thei, na lukhamashan leikashe, malungkhanima, leikashili nganingtit kaje kala makaphāwui eina ning khangacheia Varena.

MICAH 7:18

Khayonkhamāng pheokhami na kathā Vare khipā lei? awui shimluikat shākkahaiwui vang salāng kahaili chihokhami khipā lei? Ana katang mavaila awui malungkhavāt makaziphaimana kaja makhangachei leikashili awui ringkaphā lei.

HABAKKUK 3:2

O Proho, ina nawui pao shāhaira, kala O Proho, nawui otsakli ngachee. Zingkumbingwui alungli shokngasakmiluishitlu; zingkumbingwui alungli chitheimiluishitlu, malungkhavāt tharan khalumashanmilu.

MISHĀN 23:21

Ana Jacobli kalākashi matheimana, lah ana Israelli pa̱khangapā matheimana. Proho athumwui Varena athumli ngasomida lei, kala awunga akhawui khavaokhon chi athumwuili lei.

JAMES 5:15

china kakazā mi chili kanmida Prohona ali ngakarthui ngasakra kala ana morei sākahai chila pheomira.