MISHĀN 14:18 - Kathara Bible (BSI)

¹⁸ ‘Prohova malung mavātzarmana kala makhangachei leikashi pemtinghaida morei kala khayonkhamāng pheomi, kha Prohona khayonali shongrān mida avāva̱ ngarāwui moreiwui vang anaongarā, kala ara̱-azā thot kakathuma kala khamate eina tangda shongrān mi.’

MISHĀN 14:18 Iomraidhean Croise

NEHEMIAH 9:17

kahāngla manganāmana, kala nana athumli matakhak kahai ot sākachithei saikora chi athumna maphaningungmana; kha athumna ngakaishida Egyptli rao asalui khavai athum khalattawui kathāna phāsanga. Kha nava huimikhangaiya, lumashanmikhangai, malung mathuikazāra kala leikashi makhangacheina kapema Varena.

JOBWUI LAIRIK 21:19

Awui khayonkhamāng anaongarāwui vang Varena kaziphaida lei da nathumna hānga. Sāman chi akhalatta samphangranu, chieina athumna theikhuira.

LAA 103:8

Proho lumashan leishi katha̱ana, malung mathuizarmana makhangachei leikashina pemtinghai.

LAA 108:4

Kaja nawui makhangachei leikashi kazingram atungshong hakmahālaka, nawui ningkatong muiyā kāzoka.

LAA 109:14

Avāva̱ ngarāwui khayon Prohowui mangāli phaningungranu, kala avāva̱wui moreila mashimitmiaranu!

LAA 145:8

Proho lumashan leishitheilaka, malung mavātzarmana kala makhangachei leikashi mavātmana.

LAA 78:38

Chithālala ava lumashanhaoda athumwui khayon pheomi, kala athumli masāshimānmana; kasangkharei malungkathui khāmhaiya, kala awui malungkhavāt saikora mamathuk ngasakmana.

LAA 86:15

Kha O Proho, nava lukhamashan leikashi Varena, malung mavatkazāra kala makhangachei leishikatha ningkatong Varena.

SHONGZĀ 20:5

athumli khayāmashipaimara lah makhorumpaimara; khikhalajila Proho nathumwui Vare iya mikpaikashe Varena, ili ningkakachaiali avāva̱ ngarāwui naongarāli naothot kakathuma kala khamate eina tangda tandi khame,

SHONGZĀ 20:6

kha ili leishida ningkhami saikora khamayonabing thingthingli makhangachei leikashi chitheikhamena.

JEREMIAH 23:2

Chiwui vang eina iwui mibingli yangkhame yaokahomabingwui pongli Israelwui Proho VAREna hithāda hānga: “Iwui yao mahomla nathumna chipenserhaira kala kashamserhaira. Yanglu, nathumwui makhayā otsak chiwui vang ina nathumli mahaimara da Prohona hānga.

JEREMIAH 32:18

nava thingthingli nawui makhangachei leikashi chitheimi, kha avāva̱ ngarāwui khayonla naothot eina tangda phāvai, O sāshap-pangshapa Vare, naming saikorawui Prohona,

CHAPCHĀT 5:7

Ishāvā ngarāna morei sai, athum maleiluimana; kala ithumna athumwui khayonkhamāng phunga.

JONAH 4:2

Kala ana Proholi seihā sāda hānga, “Iram ngaleili leilakha hithārada ina nali mahāngmala? Hiwui vang ina thaklāk eina Tarshishli yāmkhavāna kaja ina thei, na lukhamashan leikashe, malungkhanima, leikashili nganingtit kaje kala makaphāwui eina ning khangacheia Varena.

MICAH 7:18

Khayonkhamāng pheokhami na kathā Vare khipā lei? awui shimluikat shākkahaiwui vang salāng kahaili chihokhami khipā lei? Ana katang mavaila awui malungkhavāt makaziphaimana kaja makhangachei leikashili awui ringkaphā lei.

MISHĀN 14:17

Chieina arui, ina nali seihā kasāna, nana ngashit kahai thāda Prohowui pangshap reimeiranu,

MISHĀN 23:21

Ana Jacobli kalākashi matheimana, lah ana Israelli pa̱khangapā matheimana. Proho athumwui Varena athumli ngasomida lei, kala awunga akhawui khavaokhon chi athumwuili lei.

ROMNAO 5:21

Moreina kathiwuilungli khamung thada, Jishu Khristawui mangā eina samkaphang Varewui lukhamashan china mashung ngasakta ithumli katang makhavai kharing miya.

KHALATLUI 5:10

kha ili leishida kala ningkhami saikora khamayona thingthingli makhangachei leikashi chithei.

KHALATLUI 5:9

Athumli makhorumpaimana lah otram mangangatha̱paimana; khikhalajila Proho nawui Vare iya mikpaishikatha Varena, avāva̱ ngarāna ili ningkachaida khayonkhamāng kasāwui vang naothot kathum mati vāshungda makhamalaia,

KHALATLUI 7:10

kala ali yangkakharing mile sāshimānda athut hāngsanga; kala ali yangkakharinga mile ngalāngda athut hāngsangra.

KHALATLUI 7:9

Chiwui vang eina theilu, kaja Proho nathumwui Vare chi Varena, ali leikashibing kala awui ningkhami khamayonabingli tuingashit mayonkhame makhangachei leikashi thot thingthing haikhame makhangachei Varena,