MISHĀN 14:14 - Kathara Bible (BSI)

¹⁴ kala athumna ngalei hili pānda khaleibingli hānghaora. Athumna shāhaira, kaja O Proho, na miyur hiwui alungli lei kaji; kaja nali, O Proho, mai eina mai ngasungda theihaira, kala nawui muiyāna athumwuitungli ngasāmda kala ngashunshong muiyāwui pakra̱ kala ngayāshong meiwui pakra̱ eina nana athumli rizatmi.

MISHĀN 14:14 Iomraidhean Croise

HAOKAPHOK 32:30

Chiwui vang eina Jacobna apam chiwui aming Peniel phokmida hānga, “Kaja ina Vareli mai eina mai ngasunda kathei samphanghaira, thalala iwui mirin kanmihaira.”

NEHEMIAH 9:12

Muiyāwui pākra̱ eina nana athumli ngashun thānzata, kala ngayā hormi khavai meiwui pākra̱ eina athumna vāki kaji apamli thānzata.

NEHEMIAH 9:19

nawui hakkhamahā lukhamashan chiwui alungli nana athumli lamhāngli leilakha mahorhailakmana; shongfa thānkazata muiyāwui pākra̱ chi ngashun athumwui eina mapākthuihaimana, athumwui vāki kaji shongli hormi khavai meiwui pākra̱la mapākthuimana.

LAA 105:39

Khayinkham khavai ana muiyā phayaimi, kala ngayāshong horkhavai mei mi.

LAA 78:14

Ngashun ana muiyā eina, kala ngayā pongda meiwon kahor eina athumli thānmi.

SHONGZĀ 15:14

Mibingna shāhaira, athum kathirra; Philistiali khaleibing khanangshunhaira.

SHONGZĀ 33:11

Chithāda sāda mina ngasotnaoli chān khangazek thāda Prohona Mosesli mai eina mai ngasungda chān ngazeka. Mosesna rāmrahli latkhaung tharan, awui rao Joshua Nunwui naomayara yarona china, kachonshimwui eina mathuilakmana.

SHONGZĀ 33:16

Maningakha I kala nawui mibing nawui mangāli lumashankhami samphanghairada ina kathāda theirakhala? Nana ngasokhamiwui vang, okathuili khalei miyur saikorawui ngachaili I kala nawui mibing ngakheikhang kahai maningmala?”

SHONGZĀ 40:38

Kaja shongzā peida Israel shimkhur saikorawui mikli ngashun kachida Prohowui muiyā kala ngayāshong mei tabernaclewuitungli khalei chi thei.

MISHĀN 10:34

Kala athumna rāmrahwui eina zatphok kachida Prohowui muiyāna athumli ngashun thānzata.

MISHĀN 12:8

Ale ina mai eina mai yangngasungda tharlak eina khangazekna, makashā tui eina khangazek maningmana; kala ana Prohowui zak theikhui. Chithākha khiwui vang nanina iwui rao Moseswuitungli matuikida katharin maleithu?”

JOHN 1:18

Khipānakha Vareli matheilakranga; Avāva̱wui makāli khalei Naoho-naotongmāngna ali theingasaka.

JOHN 14:9

Jishuna ngahānkai, “Hirankha nathumli ngasopamhaira, laga ili matheirangla, Philip? Kachikathāna ili theihaiakha Avāli theikahaina. Chithākha khisāda Avāli chitheilu da hāngkhala?

1 CORINTHNAO 13:12

Khikhalajila arui ithumna ka̱lāra̱ngayotli mamachā eina thei, kha chiwui thili mai eina mai theira. Arui ina ngakai-ngakāda katheimaya; kha chiwui thili ana ili theishingkhui kahai thada inala ali theishingkhuira.

KHALATLUI 1:19

“Kala ithumwui Varena kagaso athishurda ithumna Horebwui eina zatphokta nathumna theikahai khamashā kala khangachee-khangachā lamhāngli zatta Amor phungreiramli vai, kala Kadesh-barneali vāshunga.

KHALATLUI 34:10

Kala Israelli Prohona mai eina mai yangkhangasuna Moses kathā marān mashoklakranga.

KHALATLUI 5:24

kala nathumna hānga, ‘Yanglu, ithumwui Proho Varena awui tekhamatei khangam-kharei chithei, kala ithumna meilungwui eina awui akhon shāhaira; Varena mili ngazeklala mina ringa kaji aja ithumna theihaira.

KHALATLUI 5:4

Prohona phungreitungli meilungwui eina nathumli mai ngareingasungda khangazekna,

JOSHUA 5:1

Prohona Israelwui mibing Jordan mamakānkupranglakha eina tangda chiwui tara̱ theng ngasaka kaji shālaga, Jordan kānda zingtunshong khalei Amorbingwui awunga saikora kala shamadrupheili khalei Canaannaobingwui awunga saikora ngacheelakhaowa, kala Israelnaobingli khangacheena athumli manglā akhala mazangthuwa.

1 JOHN 3:2

Leikashebing, ara ithum Varewui naongarāna. Kha ithum naoda kathasānikhala kaji arui matheirarmana. Chithālala ithumna thei kaja Khristana kharā tharan ithumla a thahaora kala a hithālaka kaji ithumwui mik eina theira.