MISHĀN 14:12 - Kathara Bible (BSI)

¹² Ina athumli kazātkashi za̱ngasakra kala shimān ngasakhaora, kala athumli hakkhamei kala pangkhamei yur akha ina nawui eina sākhuira.”

MISHĀN 14:12 Iomraidhean Croise

2 SAMUEL 24:1

Israelwuitungli Prohona malungvātluihaida, Davidli ning za̱ngasakta hānga, “Vālu, Israel eina Judah shānkhuilu.”

SHONGZĀ 32:10

Ara chithāda sāda iningkhānra, iwui malungkhavāt mei kachui thāda ina athumli mutngasakra; kha nawui eina yur kahakva̱ akha sāngasakra.”

SHONGZĀ 5:3

Chieina anina hānga, “Hebrewnaobingwui Vare inili samphanghaira, chieina kathumthangzat lamhāngli vāda Proho ithumwui Vareli pha̱phayā khavai kha-vā ngasakmiluda kapona, chi maningakha ana ithumwuitungli kazātkashi maningakha raighai eina chithithaipai.”

EZEKIEL 20:13

Kha lamhāngli leilakha Israelshi shimkhurna ili ngakaishi; athumna iwui shiyan-chikan mamayonmana kha athumna chi khamayon eina mibingna ringra kaji iwui shiyan-chikan khalanhaowa; kala iwui sabbathbing athumna hakmahālak eina sāmakhaohaowa.

PĀNGMONSHI 26:25

Kala ngashit kahaiwui athut hāngsang khavai ina raighai khuirāra; kala nathumna nathumwui keinungli kazipakha, kazātkashi chihorāra, kala yangkashebingwui pāngli horsangmira.

MISHĀN 25:9

Chithālala kazātkashi eina thikahai mi thingmaga̱da matina.

KHALATLUI 28:21

Nathumna vāzangda samphangki kaji ngalei chili ana nathumli mamutranglakha eina tangda, Prohona nathumli kazātkashi mavān ngasakmara.