MISHĀN 14:10 - Kathara Bible (BSI)

¹⁰ Kha yarui ashangva̱na anili ngalunggui eina horthat khavai hānga. Chieina Prohowui tekhamatei chi Israelnaobing saikorali kazip khavai kachonshimli rāchithei.

MISHĀN 14:10 Iomraidhean Croise

SHONGZĀ 16:10

Kala Israel ashangva̱li kazipkhuida Aaronna kahāng atamli athumna lamhāngshong yangvai, kala yanglu, Prohowui tekhamatei muiyālungli rāchithei.

SHONGZĀ 16:7

kala ngathorshong nathumna Prohowui tekhamatei chi theira, kaja nathumna Proholi kharopta khamatui ana shāhaira. Kaja ini khinida nathumna iniwuitungli kharopkhala?”

SHONGZĀ 17:4

Chieina Mosesna Proholi ngakaoda hānga, “Mibing hili ina khisāurakhala? Athumna ili lunggui eina horthatki jihaira.”

SHONGZĀ 40:34

Chiwui thili kazip khavai kachonshim chi muiyāna ngapuikhamhaowa, kala tabernacle chi Prohowui tekhamateina pemhaowa.

PĀNGMONSHI 9:23

Kala Moses eina Aaronna kazip khavai kachonshimlungli zanglaga hankashok tharan mibingli somi, kala Prohowui tekhamatei chi mi saikorali rāchithei.

MISHĀN 16:19

Chieina Corahna anili mamayāmada yarui ashangva̱li ngasoda kazip khavai kachonshim khāmongpheili kazipa. Kala Prohowui tekhamatei chi yarui ashangva̱li rāchithei.

MISHĀN 16:42

Kala yarui ashangva̱ china Moses eina Aaronli makhamayāwui kazip kakhui tharan, athumna kazip khavai kachonshimvāk yangvai; kala yanglu muiyāna shim chili ngapuirorda Prohowui tekhamatei rāchithei.

MISHĀN 17:7

Kala Mosesna khāmshui saikora chi ningkhami oko haikhavai kachonshimli Prohowui mangāli haimi.

MISHĀN 20:6

Chieina Moses eina Aaronna yaruiwui eina shoklaga kazip khavai kachonshim khāmongli zangda mai mashunzanga. Kala Prohowui tekhamatei anili rāchithei,

MATTHEW 23:37

“O Jerusalem! Jerusalem, marānbingli shaothata kala nawuili chihokharābingli lunggui eina horthata! Ina nawui naongarāli harva̱na anaoli angachangzingli kapum thada pumkhami kayākha shirakhala, laga chi nana masā ngasakmana.

OTSAK 7:52

Navā wongarāna marekakharek marān khaleisāla? Khamashunga rao rāki kajiwui tui hāngkhame Varewui paophungabinglila athumna sāthata. Khamashunga rao chili nathumna yansaida shaothathaira.

OTSAK 7:59

Athumna Stephenli lunggui eina horda leilakha Stephenna, “Proho Jishu, iwui manglā kakhuimilu” da seihā sai.

1 SAMUEL 30:6

Davidla wukkhananglākhaowa, kaja mibingna ali ngalung eina horthatra jihaowa. Khikhalajila naomayarabing tukthuiser kahaiwui vang mibingna ning chotnāhaowa. Kha Davidna awui Proho Varewui lungli pangshap samphanga.