MISHĀN 13:3 - Kathara Bible (BSI)

³ Chieina Mosesna Prohowui kakaso athishurda Israel mibingwui kathānabingli Paran lamhāngwui eina chihovai.

MISHĀN 13:3 Iomraidhean Croise

MISHĀN 10:12

kala Sinai lamhāngwui eina Israelwui mibing shang-shang eina zatphokuwa; kala Paran lamhāngli muiyā china tāngasāmhaowa.

MISHĀN 12:16

Chiwui thili athumna Hazerothwui eina zatphoklaga Paranwui lamhāngli rāmrah vasāpama.

MISHĀN 13:2

“Ina Israelwui mibingli miki kaji ngalei chi vāra̱yang khavai mi chihovālu; avāva̱ ngarāwui shang-shang eina kathāna ava̱va̱ chiholu.”

MISHĀN 13:26

Kala athumna Moses, Aaron kala Kadeshli khalei Paran lamhāngli pamkasā Israelwui ashangva̱wuili ungnga. Athumna yarui ashangva̱li pao chi unghānga, kala ngalei chiwui atheila ungchithei.

MISHĀN 13:4

Kala hi athumwui amingbingna: Reuben shangwui eina Zaccurwui naomayara Shammu-a;

MISHĀN 32:8

Navā ngarāli ina Kadesh-barneawui eina ngalei chi ayang khavai kachiho tharan athumnala hithāda sai.

MISHĀN 34:17

“Hi nathumwui shimlui sākhavai ngalei ngayarmiki kaje mibingna: pāngmon Eleazar eina Nunwui nao Joshua anina.

KHALATLUI 1:19

“Kala ithumwui Varena kagaso athishurda ithumna Horebwui eina zatphokta nathumna theikahai khamashā kala khangachee-khangachā lamhāngli zatta Amor phungreiramli vai, kala Kadesh-barneali vāshunga.

KHALATLUI 1:23

ina chi phārada theihaoda, shang-shangwui eina mi ava̱va̱ khuilaga athum tharāda khani chihoi;

KHALATLUI 9:23

Kala Prohona nathumli, ‘ina mikahai ngalei chi akhuilu’ da Kadesh-barneawui eina chihokhava tharān, nathumna Proho nathumwui Varewui kahāngli ngakaishida ali mashitsangmana kala kahāngla manganāmana.

1 SAMUEL 25:1

Chitharan Samuel thihaida Israel saikora rakazipta awui vang chapngachai, kala athumna ali awui shim Ramahli chizanhaowa. Chiwui thili Davidna Paranwui lamhāngshong tāhaowa.