MISHĀN 13:29 - Kathara Bible (BSI)

²⁹ Amaleknaobingna Negebwui ngaleili somda lei; Hitnaobing, Jebusnaobing kala Amornaobing phungreiramli pama, kala Canaannaobingna shamadrushong kala Jordan ngaheivāk pamdalei.”

MISHĀN 13:29 Iomraidhean Croise

HAOKAPHOK 14:7

chiwui thili athumna hanungda Enmishpat (chiya, Kadesh), kala Amalekbingwui ngalei saikora, kala Hazazon-tamarli khalei Amorbinglila yuiserhaowa.

NEHEMIAH 9:8

kala nawui miktāli awui ningkatong chi thei, kala Canaanwui, Hitwui, Amorwui, Perizwui, Jebuswui kala Girgashwui ngalei, awui ara̱-azāli mira da nana tuingashit sai; kala nawui ngashit kahai nana ungshung ngasaka, kaja na khamashung khangarongana.”

LAA 83:7

Gebal eina Ammon kala Amalek Philistia kala Tyreli khalei saikorala zanga;

SHONGZĀ 3:17

kala ina khangashitna, Egypt ngaleili kakhanang kachotwui eina thānshokta Canaannaobing, Hitnaobing, Amor, Periznaobing, Hivnaobing, kala Jebusnaobingwui ngalei seina̱ eina khuira̱ khalong chili thānvāra.

SHONGZĀ 3:8

Chieina athumli Egyptnaobingwui eina kanshok khavai, kala chiwui eina thānshokta seina̱ eina khuira̱ khalonga khamathā kala khamashā apam Canaannao, Hitnao, Amornao, Periznaobing, Hivnaobing, kala Jebusnaobingwui ngaleili thānvā khavai I katāna.

MISHĀN 13:17

Canaan ngalei ara̱yangkhui khavai Mosesna athumli chihoda hānga, “Negeb kānshanglu kala phungrei ram chili kālu,

MISHĀN 13:30

Kha Calebna Moseswui mangāli khalei mibingli chingrihai ngasakta hānga, “Ithum arui ngalāngda vāusa kala angapaikhuisa; kaja ithumna yuishaphalungra.”

MISHĀN 14:25

Ara tampāk chili Amaleknaobing eina Canaannaobing pamhaoda, akhama ngareikhuida Red Sea shongfa shurda lamhāngvāk vaulu.”

MISHĀN 14:43

Khikhalajila Amaleknaobing kala Canaannaobing nathumwui mangāli lei, nathum athumwuili pitāra; kaja nathumna Proholi kashurwui eina yāmhaira, Prohona nathumli mangasomimara.”

MISHĀN 14:45

Chitharan Amaleknaobing kala Canaannaobing phungreiram chili pamkasābing tārāsai kala athumli yuihaida Hormah eina tangda kharomvāhaowa.

MISHĀN 24:20

Chieina ana Amaleknaovāk ngareivāda, ana awui hāngki kaji hānga. “Amalek hi yurbingwui ngachaili kharena, kha anaolamshong a shimānhaora.”

KHALATLUI 20:17

kha nathumna Hitnaobing, Amornaobing, Cannannaobing, Periznaobing, Hivnaobing kala Jebusnaobingla, Proho nathumwui Varena kagaso athishurda saikora shaothatserphalungra;

KHALATLUI 7:1

“Nathumna samphangki kaji ngaleili Proho nathumwui Varena thānkazang tharan, kala nathumli chungkhamei kala pangkhamei yur shini: Hit, Girgash, Amor, Canaan, Periz, Hiv kala Jebusnaobingli kashamhaida,

JOSHUA 10:5

Chieina Amorwui awunga phangā, chiya Jerusalemwui awunga, Hebronwui awunga, Jarmuthwui awunga, Lachishwui awunga kala Eglonwui awunga, athumna athumwui raimi kazipkhuida Gibeonli ngasung khavai rairum vasāda rai sai.

JOSHUA 10:6

Kala Joshuana Gilgalli pamlakha, Gibeonwui mi chihorāda hānga, “Naraobingli napāng mayansāngnāhaila kharāngachonmilu; kala thākta kharākankhuimilu; kaja phungreiramli kapama Amorbingwui awunga saikorana ithumli rai sākhavai kuinamhaira.”

JOSHUA 3:10

Kala Joshuana hānga, “Chiwui thili, kharinga Vare nathumwui alungli lei kaji nathumna theikhuira kala makahatlakla ana Canaannaobing, Hitnaobing, Hivnaobing, Periznaobing, Girgashnaobing, Amornaobing kala Jebusnaobingli nathumwui miktāli kashamshokra.

JOSHUA 5:1

Prohona Israelwui mibing Jordan mamakānkupranglakha eina tangda chiwui tara̱ theng ngasaka kaji shālaga, Jordan kānda zingtunshong khalei Amorbingwui awunga saikora kala shamadrupheili khalei Canaannaobingwui awunga saikora ngacheelakhaowa, kala Israelnaobingli khangacheena athumli manglā akhala mazangthuwa.

JOSHUA 9:1

Jordan kānda khalei kaphungram Lebanonshong Great Sea shangshungda kala khanem tampākli khalei Hit, Amor, Canaan, Periz, Hiv kala Jebuswui awungabingna shokta khalei otshot hi kashā eina,

WUNGVA̱-WUNGVĀ 3:5

Chiwui vang Israelwui mibingna Canaannaobing, Hitnaobing, Amornaobing, Periznaobing, Hivnaobing, kala Jebusnaobingli pamrum kajina;

WUNGVA̱-WUNGVĀ 6:3

Kaja Israelwui mibingna lui vāsang kajida Midianaobing kala Amaleknaobing kala zingshoshongwui mibingna athumli rai rāsai;

1 SAMUEL 14:48

Kala ana marāklak eina ngararda Amaleknaobingli shimitmihaida Israelli ngaponkazābingwui pāng eina kankhui.

1 SAMUEL 27:8

Chitharan Davidna thānda awui mibingna, Egypt ngaleili kharewui eina leikasā apam, Geshurbing, Girzibing kala Amalekbingli rai atai. Egypt ngaleiwui Shur tāshungda achālakha pamkasābingna.

1 SAMUEL 30:1

Chitharan kakathumathang Davidna awui mibingli ngasoda Ziklagli ungkashung tharan, Amaleknaobingna Negeblila Ziklaglila rai rātāhairasai. Athumna yuihaida Ziklag mei sa̱tāmihairasai,

1 SAMUEL 7:14

Philistinenaobingna Israelwui eina ngapaikakhuiya keinungbing, Ekron eina thuilaga Gath vāshungda; Israelnaobingli hanmihaowa; kala Israelna Philistinenaobingwui eina athumwui leiret ngapaikhuiluishita. Israel eina Amornaobingla chingrihaowa.