MISHĀN 13:26 - Kathara Bible (BSI)

²⁶ Kala athumna Moses, Aaron kala Kadeshli khalei Paran lamhāngli pamkasā Israelwui ashangva̱wuili ungnga. Athumna yarui ashangva̱li pao chi unghānga, kala ngalei chiwui atheila ungchithei.

MISHĀN 13:26 Iomraidhean Croise

HAOKAPHOK 14:7

chiwui thili athumna hanungda Enmishpat (chiya, Kadesh), kala Amalekbingwui ngalei saikora, kala Hazazon-tamarli khalei Amorbinglila yuiserhaowa.

LAA 29:8

Prohowui khona lamhāng nganuka, Prohona Kadeshwui lamhāng nganuk ngasaka.

MISHĀN 13:25

Zimiksho hangmatithang kākashung eina athumna latunga.

MISHĀN 13:3

Chieina Mosesna Prohowui kakaso athishurda Israel mibingwui kathānabingli Paran lamhāngwui eina chihovai.

MISHĀN 20:1

Kala Israelwui mibing, yarui ashangva̱, kachāng khareli Zin lamhāngli vai, kala mibingna Kadeshli angasāma; kala Mariam thihaida chili chifahaowa.

MISHĀN 20:14

Mosesna Kadeshwui eina Edomwui awungali paomebing chihovai, “Israel nachinā ngarāna hi kahāngna: Ithumwui kachotkachāng nana thei;

MISHĀN 20:16

kala ithumna Proholi khangakao tharan, ana shāmida awui kazingrao chihorai kala Egyptwui eina ithumli khuishokmi; ara ithum Kadeshli leida lei, hi nawui keinungwui leiretna.

MISHĀN 32:8

Navā ngarāli ina Kadesh-barneawui eina ngalei chi ayang khavai kachiho tharan athumnala hithāda sai.

MISHĀN 32:9

Athumna Eshcol tampākli ayangda ngalei chi thei, Prohona ngashit kahai ngalei chili mavāzang khavai Israelwui mibingli ning suitā ngasaka.

MISHĀN 33:36

Kala athumna Ezion-geberwui eina zatphokta Zin lamhāngli (chiya Kadesh) rāmrah vasāpama.

KHALATLUI 1:19

“Kala ithumwui Varena kagaso athishurda ithumna Horebwui eina zatphokta nathumna theikahai khamashā kala khangachee-khangachā lamhāngli zatta Amor phungreiramli vai, kala Kadesh-barneali vāshunga.

KHALATLUI 1:2

Seir Kaphung shongfa eina vaakha Horebwui eina Kadesh-barneali tharāda akhathang zata.

JOSHUA 14:6

Chieina Gilgalli leilakha Judahwui mibingna Joshuali rāda; Keniz Jephunnehwui naomayara Calebna ali hānga, “Prohona Varewui mi Mosesli Kadesh-barneali leilakha iniwui pongli kahāng chi nana thei.

JOSHUA 14:7

Prohowui rao Mosesna ili Kadesh-barneawui eina ngalei ara̱yang khavai kachiho atamli I zingkum hangmati kāhairasai; kala ina theikakhui pao chi ali khuiungmi.