MISHĀN 13:22 - Kathara Bible (BSI)

²² Athumna Negeb shanglaga Hebronli vai; kala Anakwui ara̱-azā kapam Ahiman, Sheshai, Talmai, chili leisai. (Hebron hiya Egyptwui Zoanli zingkum shini rida sakā kahaina).

MISHĀN 13:22 Iomraidhean Croise

HAOKAPHOK 13:18

Chieina Abramna awui kachonshim khuiphungda zatlaga Hebronli khalei Mamrewui shirimthing ngalemli asoma; kala chili ana Proho wui vang hanphut akha sai.

HAOKAPHOK 23:2

Sarah Canaan ngaleili khalei Kiriath-arba (chiya Hebron) li thihaowa; kala Abrahamna Sarahwui vang wukkhanangda chapngachai.

2 SAMUEL 2:1

Hiwui thili Davidna Proholi, “Judahwui keinung khalaleili ina vāpairala?” da ngasana. Kala Prohona hānga, “Vālu.” Davidna, “Kachipāli vālu jikhala?” da khangahān eina, “Hebronli vālu” da ana hānga.

2 SAMUEL 2:11

Kala Davidna Hebronli awunga sāda kum shini kala kachāng tharuk munga.

2 SAMUEL 21:16

Chieina Ishbi-benob, mireitheiwui naotunna, pithrai kg. kathum tangkhai kharit eina sākakhui awui kazei akha sing, kala raighai kadhar akha thāngphunglaga Davidli sāthat khavai hotnai.

LAA 78:12

Egypt ngaleiwui Zoan tampākli leilakha, avāva̱ ngarāwui miktāli matakhak kahaibing sāchithei.

LAA 78:43

Egypt ngaleili ana awui khamachut sākachithei, kala Zoanli matakhak kahai ot kasā saikora.

ISAIAH 19:11

Zoanwui wungnaobing mangmashuna; Pharaohwui kathema machinmebingna makānkhanā tui hāngmi. Pharaohli, “I thangkhamawui nao akhana, achālakha awunga sākasāwui nao akhana” da nana kathāda hāngpaira?

ISAIAH 19:13

Zoanwui wungnaobing mangma̱haira, kala Memphiswui wungnaobingli kapikhaira; shang-shangwui phungva̱bingna Egyptli thannguihaira.

ISAIAH 30:4

Awui phungva̱bingna Zoanli leilala, awui mathunna Hanesli vāshunglala;

MISHĀN 13:17

Canaan ngalei ara̱yangkhui khavai Mosesna athumli chihoda hānga, “Negeb kānshanglu kala phungrei ram chili kālu,

MISHĀN 13:28

Chithālala ngalei chili kasombing chi panga, kala keinung chi raipan sāda hakmahālaka; chili lāngda ithumna Anakwui ara̱-azāla chili thei.

MISHĀN 13:33

Kala apam chili Nephilnao, kaja Anakwui ara̱-azā kachungkha pamda lei; athumwui mangāli ithum khaoh kathāna, kala athumnala ithumli khaoh thāda theida leira.”

KHALATLUI 9:2

chiwui mibingva haklaka kala juilaka, Anakimwui naomayarabingna; nathumna kathei kashā, ‘Anakwui naomayarabingli khipāna ngasunglengrakhala?’ da kahāng china.

JOSHUA 10:36

Chiwui thili Joshuana Israelnao saikorali ngasoda Eglonwui eina Hebronli vai; kala athumna chili vāngarara,

JOSHUA 21:13

Kala Aaron pāngmonwui ara̱-azāli athumna mi sākathatana yāmngayin khavai keinung Hebron, Libnah eina chiwui seihomphung ngaleibing,

WUNGVA̱-WUNGVĀ 1:10

Kala Judahna Hebronli (Khare kachāng Kiriath-arba hokasa apam chili); Canaannaobingli angararda Sheshai kala Ahiman eina Tamaili yuihaowa.

1 SAMUEL 30:31

Hebronli, Davidli ngasoda awui mibingna khavā pam kachiva̱li ngayarmisera.