MISHĀN 13:20 - Kathara Bible (BSI)

²⁰ lah ngalei chi chāmka, shāng, kala chili ngahong leika, lah ngalei tumka kathakhala kaji ayanglu. Malungpinglu, kala ngalei chiwui athei kakhuiunglu.” Chitharan atamli drakhāthei minphokkhare atam sāsai.

MISHĀN 13:20 Iomraidhean Croise

1 THOTRINCHĀN 22:11

Ara, inao, nana sāra da hāngkahai athishurda, nawui Proho Varewui shim chi sākāshap khavai Prohona nali ngasomiranu.

NEHEMIAH 9:25

Kala athumna raipan ngaveiphin kahai keinungbing kala ngalei katuma lam yuikhui, kala athumna shimli leikasā khamathā ot kachungkha, khonkhui kahai ra̱khong, drakhā yāmgui, olive yāmgui, kala atheirong ayur kachungkha samphanga; chieina kathokachir samphangda thaoaowa, kala nawui khamathā otsak chili athum ningyāngkhaung samphanga.”

NEHEMIAH 9:35

Nana khami ngalei katum, athumwui wungramli pamda leilakha eina tangda athumna nali otram mangatha̱mimana kala makaphā otsakwui eina mai mangareiungthuwa.”

EZEKIEL 34:14

Ina athumli wonui katimpamli phazā ngasakra, kala Israelwui phungrei kajuipam athumwui azāt phazā khavai sāra; athumna wonnui katimpamli ngaleosangra, kala seizāt khamathā Israel kaphungli zāpamra.

DANIEL 11:24

Hāngkhamathin maleilakla ana ngalei tummeikap kaji pamli vāda, avāva̱ ngarāna, kala avā ngarāwui avāva̱ ngarāna makasā ot chi ana sāda ngaponkakhui thongthāng awui thi kashurbingli ngayarmiserra. Ana raipanbing sākhai khavai ngarānra, kha kasha̱khawui vangmara.

MICAH 7:1

I kalākashi! kaja I lumkachāngwui athei phākhui kahai, drakhāthei arong eina phākhuiser kahai thāda: amazān akha eina tangda shaikhavai maleithura, iningna shaikhangai minkhare khaorātheila maleithura.

MISHĀN 13:19

kala athumna somda khalei ngalei chi mathāka, zakshi, kala keinung chi rāmrahka, raipankhala,

KHALATLUI 1:24

kala athumna phungreiramli vāda Eshcolwui tampākli khalalei chi ara̱yangkhui.

KHALATLUI 1:25

Kala apam chiwui athei-araila athumna khuiungda ithumli pao saikora unghānga, kala ‘ithumwui Proho Varena ithumli mikahai lam chi ngalei khamathā apamna’ da hānga.

KHALATLUI 31:23

Kala Nunwui naomayara Joshuali Prohona otpam chisinda hānga, “Pingmeida malung zangmeilu; khikhalajila ina athumli mira da ngashit kahai ngalei chili Israelnaobingli nana thānsangki kajina: ina nali ngasomira.”

HEBREWNAO 13:6

Chiwui vang eina pingmeida ithumna hāngsa. “Proho, iwui ngachonkhamena, ina mangacheemara; mina ili khi sathukrakhala?”

JOSHUA 1:6

Pingmeida malung zangmeilu; kaja mibing hili mirada avāva̱ ngarāli ina ngashit kahai ngalei chi akhui khavai nana mibingli thānzangra.

JOSHUA 1:9

Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”

JOSHUA 2:1

Nunwui naomayara Joshuana ngathumda Shittimwui eina vāra̱yang khavai mi khani chihoda hānga, “Ngalei chi, matailak eina Jericho chi ayangkhuilu.” Chieina anina vāda Rahab kaho khayorva̱wui shimli vāzanga, kala chili ngasāmkhui.

JOSHUA 2:3

Chieina Jerichowui awungana Rahabwuili mi chihovāda hānga, “Nawui shimli rākazanga mi chi khuishoklu, kaja athumna ngalei saikora hi phāshok khavai kharāna.”