MISHĀN 13:17 - Kathara Bible (BSI)

¹⁷ Canaan ngalei ara̱yangkhui khavai Mosesna athumli chihoda hānga, “Negeb kānshanglu kala phungrei ram chili kālu,

MISHĀN 13:17 Iomraidhean Croise

HAOKAPHOK 12:9

Chiwui thili Abramna Negebshong tāmamāna.

HAOKAPHOK 13:1

Chieina Abramna apreiva̱, kala awui khalalei saikora, kala Lot zangda Egyptwui eina Negebshong latshanga.

HAOKAPHOK 13:17

Ngakarthuida ngalei chiwui asān-aret peida zatlu, ina hi nali mira.”

HAOKAPHOK 13:3

Negebwui eina zatlaga Bethel eina Aiwui ngachaili khare kachāng shimnao sakahaipam Bethel mashangshungranglakha eina tangda zatlaga apam chili shangkashung eina,

HAOKAPHOK 14:10

Chitharān Siddimwui Tampāk hiya bitumen khewui chomna pemsai. Chieina Sodom eina Gomorrahwui awunga khani china khayām chitharān mi kaikha chili tāzanghaowa; kataibing chiya phungreili yāmkāhaowa.

MISHĀN 13:18

kala ngalei chi kathakhala kaji vāyanglu, mibing chi pangda leika, ngazanda lei; chungka teo,

MISHĀN 13:29

Amaleknaobingna Negebwui ngaleili somda lei; Hitnaobing, Jebusnaobing kala Amornaobing phungreiramli pama, kala Canaannaobingna shamadrushong kala Jordan ngaheivāk pamdalei.”

MISHĀN 14:40

Kala athumna ngathorthak ngakarthuida phungreiram chili kāda hānga, “Yanglu, ithum hili lei, Prohona ngashit kahai apam chili ithum mavāmara, kaja ithumna morei sāhaira.”

KHALATLUI 1:44

Chieina phungreiram chili kapama Amornaobingna khui khalor thāda Seirli nathumli ngararlaga Hormah vāshungda kharomvai.

JOSHUA 10:40

Chieina Joshuana ngalei katonga, phungreiram, Negeb kala angako eina phungreiphei kala awungabingli yuiserhaowa; ana akhala mataimimana; kha manglā kazanga saikora Proho Israelwui Varena kakaso athishurda sāthatserhaowa.

JOSHUA 15:3

Akrabbimwui kajui kakā eina thuida azingshong vāshungda tālaga Zinli vāshoka, kala Kadesh-barnea azingshong shoklaga Hezron vāshunglaga Addar vashoka, laga Karka takuikhui,

JOSHUA 2:1

Nunwui naomayara Joshuana ngathumda Shittimwui eina vāra̱yang khavai mi khani chihoda hānga, “Ngalei chi, matailak eina Jericho chi ayangkhuilu.” Chieina anina vāda Rahab kaho khayorva̱wui shimli vāzanga, kala chili ngasāmkhui.

WUNGVA̱-WUNGVĀ 1:15

Ana ali hānga, “Nana ili Negebli pamngasakhaoda ura̱pam akhala milu.” Chieina Calebna shangkhamato ura̱pam eina tākhamaze ura̱pam chi ali mihaowa.

WUNGVA̱-WUNGVĀ 1:19

Kala Prohona Judahli ngasomida ana kaphungram saikora vākhuisera, kha ana tampākli khaleibing, mariwui siguigari khangavāwui vang, athumli makashamrarthuwa.

WUNGVA̱-WUNGVĀ 1:9

Chiwui thili Judahwui mibingna kaphungramli kapambing, Negebli kala angakoli kapam Canaannaobingli ngarar khavai tai.