MISHĀN 12:6 - Kathara Bible (BSI)

⁶ Ana hānga, “Iwui tuibing nganālu: nathumwui alungli marānkhame leiakha Proho I khalattana ali mahāmi kala ina mang eina ngazeka.

MISHĀN 12:6 Iomraidhean Croise

HAOKAPHOK 15:1

Hiwui thili Abramli Prohowui tui chi rāmahāmida hānga, “Mangacheealu Abram, I nawui chāngveina; nawui sāman chungmatailakra.”

HAOKAPHOK 20:7

Chiwui vang eina apreiva̱ chi hanmihaolu, ava marān akhana, ana nawui vang seihā sāmida na ringra. Kha nana mahanmiakha na thilakra, kala nawui khalei saikorala thira da theilu.”

HAOKAPHOK 28:12

Kala ana mang akha shimanda ngaleiwui eina shairon akha ronkāda aton chi kazingram kāzokta shimana; kala yanglu, Varewui kazingraobingna kakākā katutung da thei!

HAOKAPHOK 28:16

Chiwui thili Jacobna thuimathukta hānga, “Kachangkhat eina Proho apam hili lei; ina chi matheikasāna.”

HAOKAPHOK 37:5

Chitharān Josephna mang akha shimana, kala ana chi achinā ngarāli kahāng eina athumna ali mataimeida yangkharinghaowa.

HAOKAPHOK 37:9

Chiwui thili ali mang khangatei akha shimanda chi achinā ngarāli hānglui, “Yanglu, ili mang akha shimanluiya; kaja zimik, kachāng, kala sirā tharāda akhana ili khorumsai.”

HAOKAPHOK 46:2

Kala chithang ngayā mangshongli Varena ali rāsamphangda hānga, “Jacob, Jacob.” Ana ngahānkai, “I hili leili.”

2 SAMUEL 7:4

Kha chithang ngayā Prohowui tuina Nathanli rāhānga;

1 WUNGNAOBING 3:15

Solomonna thuikhamathuk eina, yanglu, chi mangshong ngasāsai. Chieina ana Jerusalemli ungda Prohowui tuingashit ningkhami okowui ngalemli nganingda rikkatā kachigat, ningyatchigat; kala awui rao saikorawui vang zātkhān akha sāmi.

1 WUNGNAOBING 3:5

Gibeonli leilakha ngayāshong, mangshongli Prohona Solomonli rāchithei; kala Varena hithāda hānga, “Nali khi milu jikhala polu.”

JOBWUI LAIRIK 33:15

Ngayāshong mina petli piphup kahai tharan mangli, kala rākhamahāli,

JOBWUI LAIRIK 4:13

Mina piphup kahai tharan, ngayāshongwui rākhamahā machuklakha,

LAA 105:15

“Ina thao neomi kahaibingli masāza̱paimara, iwui marānbingli zakkashi masāpaimara.” da hānga.

LAA 89:19

Shitkasangbingli achālakha nana khamahā eina hāngmida “Pangshap khalei akhali ina kuihon sangmihaira, mibingwui eina kapangkakhuia chili ina reingasaka.

SHONGZĀ 7:1

Prohona Mosesli hānga, “Yanglu, ina nali Pharaohwui Vare kathā sāngasakhaira, kala nachinā Aaronna nawui marān sāra.

JEREMIAH 23:25

Marānbingna iming singlaga kapikta, ili mangli mahāmihaira, ili mangli mahāmihaira! da khamatui ina shāhaira.

JEREMIAH 23:28

Mang kashimana marān china mang chi hāngranu, kha iwui tui kashāpa china iwui tui peichaoda hāngmiranu. Mā eina lanji ngaraikachā khi leikhala? da Prohona hānga.

EZEKIEL 1:1

Kathumra kākashung kum, khamate kachang chiwui zimiksho kaphangāthang, raithā kahaibingli ngasoda ina Chebar kong ngalemli leilakha, kazingram khāmong shohaida, Varena mahākhami ina thei.

DANIEL 10:8

Chieina imāngli nothahaida hakkhamahā khamahā chi yangpama, kala I yāng kānhaowa; iwui kahora maipān onching onhaowa, kala I pangshap maleithuwa.

DANIEL 2:19

Kala Danielli māngli rāmahāmida khangathuma tui chi chitheimi. Chieina Danielna atungshongwui Vareli ningkashi mi.

DANIEL 7:1

Babylonwui awunga Belshazzarna mungkhare kum, Danielna pilakha mang akha shimana. Mang chi ana kapikhui, kala chiwui kasha̱a ara̱tui ana hāngmi.

DANIEL 8:2

Ina khamahā chi kathei tharan I Elamwui keinung Susali pamsai, kala I Ulai kongli leisai.

HOSEA 12:11

Gileadli khayonkhamāng leiakha, athum makahatlākla khikha makhaninga ngasāra, Gilgalli athumna mukkā pha̱phayaakha, athumwui hanphut chila luiwui rashongli lungkhor khor kahai thahaora.

JOEL 3:1

“Kaja yanglu, chikachāng kala atam chili, Judah eina Jerusalemwui lan hanmiluishit kaji tharan,

ZECHARIAH 1:8

Ina ngayāshong, mi akhana sigui kahunga akha tongkazat thei! A tampāk akhali myrtle thingwui ngachaili nganingsai; kala akhanukli kahunga, hungreoseo kala kachara siguibing leisai.

MISHĀN 24:4

Varewui tui khanganāpāwui marān tuina, Reikhamataiyana rāmahā khamina, konglui zanglala awui mik makafamana.

MATTHEW 1:20

Kha ana hiwui pongli machukta leilakha, yanglu, Prohowui kazingrao akhana awui mangshongli rāhānga, “Davidwui naomayara, Joseph, napreiva̱ Maryli khuikida mangacheealu, kaja ana vaida khalei chi Manglā Katharawui pangshap einana.

MATTHEW 2:19

Herod thikahaiwui thili Prohowui kazingrao akhana mangshong Josephli ramahāda hānga,

MATTHEW 23:31

Chithada sāda nathum marānbingli sākathata mibingwui naongarāna kaji hi nathum khalatta kahāng china shākhi khamina.

MATTHEW 23:34

Chiwui vang eina ina marānbing, thangkhameibing kala ain kathembing nathumwuili chihorai, nathumna kaikhali sāthatra, kaikhali krushtungli khāngkāra kala kaikhali synagogueli lijei eina ngaphitra kala athumli nathumna keinung akhawui eina keinung akhali rekharekra,

MATTHEW 23:37

“O Jerusalem! Jerusalem, marānbingli shaothata kala nawuili chihokharābingli lunggui eina horthata! Ina nawui naongarāli harva̱na anaoli angachangzingli kapum thada pumkhami kayākha shirakhala, laga chi nana masā ngasakmana.

MATTHEW 27:19

Chili lāngda Pilatena bichar sākhavaipamli leilakha apreiva̱na ali tui akha shirāta, “Khayon makhalei mi chili khikha sākhavai maleimana, khikhalajila arui ngayā iwui mangshong ina awui vang tarākha khananghaira.”

LUKE 1:11

Prohowui kazingrao akha nganamkaphā riktā khavai hanphut chiwui yāvāk rānganinga.

LUKE 1:22

Kala ana ayarli kashok tharan athumli khichānkhala mangazekrarthuwa. Chieina ali khorumshimli khamahā akha samphang kahaina da athumna phaninga kala ana tui mamatuipaithuda athumli khudam eina sāchithei.

LUKE 20:6

‘Miwui einana’ jisa, mibingna ithumli ngalung eina horthathaora; kaja John hi marān akhana kaji athum saikorana mayāchao kahaina.”

OTSAK 10:11

chitharan kazingram shohailaga kachon kahaka kathā akhawui chonmarei matili singlaga okathuili chihokatā ali mahāmi.

OTSAK 10:17

Mahākhami chi khikhala da Peterna chukmajalakha, Corneliusna chihokhavā mibing china Simonwui shim ngathingrāmamānlaga ashiwui ngaveili nganingsai.

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

KHALATLUI 18:15

“Nathumwui ngachaili nachinā ngarāwui eina I kathā marān akha Proho nathumwui Varena shokngasakra, nathumna awui tui khuira—

KHALATLUI 18:18

Achinā ngarāwui eina ina na thāda marān akha shokngasakra, kala awui khamorli iwui tui sangmida ina kagaso saikora ana athumli hāngmira.

HEBREWNAO 1:1

Achālakha awo ayibingli Varena kachungkha shida matuiya kala apong kachungkha eina marānbingli shichinda hāngmi.

PHONGKHAMI 11:10

Okathui mibingna ani kathiwui vang mathānmareoda kala ringphāda otla ngalon ngarokra, kaja marān khani china okathuili kapambingli chotchāng ngasaksai.

PHONGKHAMI 11:3

Ina iwui shākhi khanili bora ngavailaga zimiksho thingkha shākhani hangtharukthang marān ngasakra.”

1 SAMUEL 28:6

Kala Saulna Proholi khangasan eina, Prohona ali mangahānkāmithuwa, mang nganālala, Urim yanglala, marānbingnala khikha matheirarthuwa.

1 SAMUEL 3:15

Samuelna ngathor eina tangda piya; chiwui thili ana Prohowui shim khāmongbing ashohaowa. Kala Samuelna ali rākhamahā chi Elili hāngkida ngacheehaowa.

1 SAMUEL 3:21

Kala Shilohli Prohona Samuelli rachitheiluiya, kaja Proho akhalattana Samuelli awui tui eina rāphongmiluishita.