MISHĀN 12:2 - Kathara Bible (BSI)

² Kala anina hānga, “Prohona Mosesmāngli ngazekla? Ana inilila mangazekmala?” Chieina Prohona chi shāhaowa.

MISHĀN 12:2 Iomraidhean Croise

HAOKAPHOK 29:33

Kala Leahna nao akha vailuishitta naomayara akha pharai, kala hānga, “Khikhalajila ili maleikashi hi Prohona theimida naomayara akha miluihaira;” kala awui ming Simeon phokmi.

2 SAMUEL 11:27

Kala chapkhangachā atam chi peikahaiwui thili Davidna chihovāda awui shimli hounga, kala ani ngakumda naomayara akha pharākhui. Kha Davidna kasā otsak china Proholi maringphāngasakthuwa.

2 WUNGNAOBING 19:4

Assyriawui awungana Rabshakehli chihorāda kharinga Vareli mana̱shikida tui kachungkha kahāng hi nawui Proho Varena shāserhairara. Chiwui vang shākkahaibing hiwui vang seihā kasāmilu.”

SHONGZĀ 4:14

Chiwui vang Prohona Mosesli malungvāthaoda hānga, “Nachinā Aaron, Levipa maleimala? A matuitheilaka kaji ina thei; arui ana nali samphang khavai rārādalei, kala ana nali rākathei tharan awui ning ringphālakhaora.

SHONGZĀ 4:30

Kala Mosesli Varena hāngkahai saikora chi Aaronna hāngchithei kala mibingwui miktāli khudambing sāchithei.

SHONGZĀ 5:1

Chiwui thili Moses eina Aaronna Pharaohli vāda hānga, “Israelwui Proho Varena kahāngna, ‘Iwui mibingli zatngasaklu; chieina athumna lamhāngli ili zātkhān sāpaira.’ ”

SHONGZĀ 7:10

Chieina Prohona kakaso athishurda anina Pharaohwui mangāli vāsai; Pharaoh eina awui raobingwui mangāli Aaronna khāmshui chi hortāda phara̱ onngasaka.

CHĀNSAM 13:10

Mahengkasangana achei matheila khanganang shoka, kha hāngkachithei khuikasangbing chi thangkhameina.

ISAIAH 37:4

Assyriawui awungana Rabshakehli kharinga Vareli mana̱shi khavai chihokharā chiwui tui nawui Proho VAREna shāhaira̱ra kala nawui Proho VAREna shākahai tui chili mamayāmada kahara; chiwui vang eina shākhaida khalei kharingbing hiwui vang nana seihā kasāmilu.’”

MICAH 6:4

Kaja ina nali Egyptwui eina khuiunga, kala khalap kahaiwui eina ngatangkhui; nathumwui vang ina Moses, Aaron kala Mariam chihorai.

MISHĀN 11:1

Kala mibingna athumwui kachotkachāngwui vang Prohowui miktāli ngurngur matuiya; kala chi Prohona kashā eina, ali malung thuingasakhaoda, Prohowui mei athumwui lungli chuihaoda ayarwui rāmrah kaikha chuitāhaowa.

MISHĀN 11:29

Kha Mosesna ali hānga, “Iwui vang eina na mikpaishihaola? Prohowui mi saikora marān ngasāsāsi kaja, Prohona awui manglā athumli sangmisāsi kaja jong!”

MISHĀN 12:3

Moses malung nimlaka. Okathuiwui mi saikorali malung nimkhamei mina.

MISHĀN 16:3

kala athumna Moses eina Aaronli makhamayāwui kazip akha khuida hānga, “Nani hennāhaira! Kaja yarui ashangva̱, athum kachiva̱ katharasera, kala Prohona athumli ngasomida lei; laga kachiwui vang Prohowui kakazip mibing hili lāngmeida nani khalatta sochikatkhala?”

ROMNAO 12:10

Akha eina akha Khristawui lungli chinaongarāwui leikashi mida leishi ngaroklu. Akha eina akha khayāshi ngaroklu.

ROMNAO 12:3

Varena ili lumashankhamiwui mangā eina ina nathumli kahāngna: Nathum khalatta khangayi chili lāngda chuimeida maphaningalu, kha ayat ungda phaninglu, mi kachiva̱ kachichāli mikahai shitkasang chiwui angarit eina chukmaja̱ranu.

PHILIPPINAO 2:14

Ot saikora ngakaikashi maleila sāngairareo eina sālu.

PHILIPPINAO 2:3

Khalatta masotmasaoalu, kha akhana akhali phāmeiya da phaning ngaroklu.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”