MISHĀN 12:16 - Kathara Bible (BSI)

¹⁶ Chiwui thili athumna Hazerothwui eina zatphoklaga Paranwui lamhāngli rāmrah vasāpama.

MISHĀN 12:16 Iomraidhean Croise

HAOKAPHOK 21:21

Ana Paranwui lamhāngli okthui kala apreiva̱ sākhavai ava̱va̱na Egyptwui ngalānao akha khuisangmi.

HABAKKUK 3:3

Varena Temanwui eina rai, kala Kathara china Paran Phungreiwui eina rai. Awui tekhamateina kazingram pei kala okathui awui masotna pema.

MISHĀN 10:12

kala Sinai lamhāngwui eina Israelwui mibing shang-shang eina zatphokuwa; kala Paran lamhāngli muiyā china tāngasāmhaowa.

MISHĀN 11:35

Kibroth-hattaavahwui eina mibingna zatphokta Hazerothli vai; kala athumna Hazerothli angasāma.

MISHĀN 12:15

Chiwui vang eina Mariamli shinithang rāmrahwui ayarli vanarhaowa, kala ali makhuiungranglakha eina tangda mibingna mazatmana.

MISHĀN 13:1

Prohona Mosesli hānga,

MISHĀN 13:26

Kala athumna Moses, Aaron kala Kadeshli khalei Paran lamhāngli pamkasā Israelwui ashangva̱wuili ungnga. Athumna yarui ashangva̱li pao chi unghānga, kala ngalei chiwui atheila ungchithei.

MISHĀN 13:3

Chieina Mosesna Prohowui kakaso athishurda Israel mibingwui kathānabingli Paran lamhāngwui eina chihovai.

MISHĀN 33:18

Kala Hazerothwui eina zatphokta Rithmahli rāmrah vasāpama.

1 SAMUEL 25:1

Chitharan Samuel thihaida Israel saikora rakazipta awui vang chapngachai, kala athumna ali awui shim Ramahli chizanhaowa. Chiwui thili Davidna Paranwui lamhāngshong tāhaowa.