MISHĀN 12:15 - Kathara Bible (BSI)

¹⁵ Chiwui vang eina Mariamli shinithang rāmrahwui ayarli vanarhaowa, kala ali makhuiungranglakha eina tangda mibingna mazatmana.

MISHĀN 12:15 Iomraidhean Croise

SHONGZĀ 20:12

“Nava̱ navāli khayāshilu, chithākha Proho nathumwui Varena khami ram chili okpeira.

CHAPCHĀT 3:32

kha, ana khanang ngasaklala, awui makhavāta makhangachei leikashi chiwui athishurda ana lumashanmira;

PĀNGMONSHI 14:8

Kala tharkahai mipa china awui kachon ngasa̱ra, awui sam sitāra kala ra̱vaira, chieina a tharhaora. Chiwui thili ana rāmrahlungli ungpamra, kha awui kachonshim ayārli shinithang pamra.

MICAH 6:4

Kaja ina nali Egyptwui eina khuiunga, kala khalap kahaiwui eina ngatangkhui; nathumwui vang ina Moses, Aaron kala Mariam chihorai.

HABAKKUK 3:2

O Proho, ina nawui pao shāhaira, kala O Proho, nawui otsakli ngachee. Zingkumbingwui alungli shokngasakmiluishitlu; zingkumbingwui alungli chitheimiluishitlu, malungkhavāt tharan khalumashanmilu.

MISHĀN 12:16

Chiwui thili athumna Hazerothwui eina zatphoklaga Paranwui lamhāngli rāmrah vasāpama.