MISHĀN 12:13 - Kathara Bible (BSI)

¹³ Chieina Mosesna Proholi ngakaoda poi, “Ali kharaimihaolu, O Proho, ina nali poli.”

MISHĀN 12:13 Iomraidhean Croise

HAOKAPHOK 20:17

Chieina Abrahamna Vareli seihā sai; kala Varena Abimelechli raimihaowa; kala apreiva̱la, rao sha̱naobingla raimida athum nao pharāhaowa.

1 WUNGNAOBING 13:6

Kala awungana Varewui mi chili hānga, “Nawui Proho Varena lumashanmida ipāng raimi khavai seihā kasāmilu.” Varewui mi china Proholi pomilaga awungawui pāng raihaida khangachā tākam eina unghaowa.

LAA 30:2

O Proho iwui Varivara, ina nali khangachon poi, kala nana ili raimihaira.

LAA 41:4

Iwui vanga ina hānga, “O Proho, ili khalumashanmilu; ili raimilu, kaja ina nali mamayāla morei sāhaira!”

SHONGZĀ 15:26

hānga, “Nathumna ningasharlak eina Proho nathumwui Varewui akhon nganaakha, kala awui mikyanli khamashung ot chi saakha, kala awui ningkhami, kala shiyan chikan saikora mayonakha, ina Egyptnaobingli khami kazāt katha chi nathumwuitungli akhala marāngasakmara; kaja nathumli raikhame Proho chi ina.”

SHONGZĀ 4:7

Chiwui thili Varena hānga, “Napāng nawui pha̱honlungli thara̱zangluilu.” Chieina ana apāng phahonlungli thara̱zanglui; kala ana khuishokta khayang eina awui phasā khangachā thāda raihairasai.

ISAIAH 30:26

Chili lāngda, ana khamā za̱mi kahai saikora ngahāmida raikhami eina, kachāngwui kahor chi zimikwui kahor thāra, kala zimikwui kahor, shini shida, kaja shinithangwui kahor khangarum thāda horra.

JEREMIAH 17:14

O Proho, ili raimilu, chieina I raihaora; Ili huimilu, chieina I kahui samphangra; kaja na iwui masotna.

MISHĀN 11:2

Chieina athumna Mosesli khangakao eina Mosesna Proholi seihā sāda mei chi mithaowa.

MISHĀN 12:12

Sha̱nao hili ava̱wui wuk eina phasā tangkhai shaihailaga pharākatā mathā ngasakalu.”

MISHĀN 14:2

Kala Israelwui mibingna Moses eina Aaronwuitungli kharopa; yarui ashangva̱na anili hānga, “Ithum Egypt ngaleili lah lamhāng hili thihaisasi kaje phameira!

MISHĀN 16:41

Kha akhama kathā Israel yarui ashangva̱na Moses eina Aaronwuitungli kharopta ngurngur eina hānga, “Nanina Prohowui mibing sāthathaira.”

LUKE 23:34

Jishuna hānga, “Avā, athumli pheomilu, athumna khi kasākhala da matheimana.” Kala awui kashankachon ngayar khavai athumna ka̱lā yanga.

LUKE 6:28

Nathumli khonkashe athumli somilu, nathumli sāshida kasā athumwui vang seihā sāmilu,

OTSAK 7:60

Ana khuktizangda, “Proho! morei hiwui kashong athumli matāmialu” da panglāk eina vaolaga amanglā chihohaowa.

ROMNAO 12:21

Makaphā china nathumli mayui ngasaklu; kha makaphāli kaphā eina yuikhuilu.

JAMES 5:15

china kakazā mi chili kanmida Prohona ali ngakarthui ngasakra kala ana morei sākahai chila pheomira.

1 SAMUEL 12:23

Chili lāngda, nathumwui vang pokhami thahaida Proholi morei sāra kaji hi iwui eina katāvali leiranu, ina nathumli khamashung kala kaphā shongfa chi tamchitheira.

1 SAMUEL 15:11

“Ina Saulli awunga sākhangasak hiwui vang I wukkhananghaira; kaja ana iwui thi mashurla ngareithuihaira, kala iwui ningkhamibing mamayonmana.” Chieina Samuel malungvāthaida ana Proholi ngayā seihā sāthai.