MISHĀN 11:5 - Kathara Bible (BSI)

⁵ Ithumna Egyptli leilakha khalem eina khaih kashai chi phaningunga, karoptheibing, khaimaithei, shomri, pyas, janam shaisai;

MISHĀN 11:5 Iomraidhean Croise

LAA 17:14

okathuiwui ningmāng eina okathuiya mibingwui eina O Proho, athumwui vang nana kazipmi kahai chieina athumwui wuk chipemranu; athumwui naongarānala kashapli lāngda samphangranu, athumwui angangnaobingwui vangla kataimiranu.

SHONGZĀ 16:3

“Egypt ngaleili khaih, sāmāng shaida kashakazā mavātlakla thoting eina pamda Prohowui pāngli thihaisasi kaje phāra; khikhala jila mi hiyākha lamhāngli kathai eina thikhavai nanina ithumli thānkashokna.”

ISAIAH 1:8

Kala Zionwui naongalāva̱li drakhālui rāmrah thāda nothāhaira, karoptheiwui luirām thāda, kala ngaponthui kahai keinung thāda.

JEREMIAH 42:14

kala, ‘Ngga, ithumna rai khangarar matheiki kaji, lah raiwui talla̱khon makashāpam, lah kashakazā makhavātpam Egyptli apamura’ jiakha,

JEREMIAH 44:18

Kha kazing philāva̱li awui vang nganamkaphā otyur rikkatā, ra̱shakchigat kapha̱ chiho kahai eina ithum ot kachiva̱ vātserhaira, ithum raighai kala chāmrei eina thingakanhaira.”

MISHĀN 14:2

Kala Israelwui mibingna Moses eina Aaronwuitungli kharopa; yarui ashangva̱na anili hānga, “Ithum Egypt ngaleili lah lamhāng hili thihaisasi kaje phameira!

PHILIPPINAO 3:19

Athum meifali vātangsera, kaja phasāwui ningkachāngli phākazat chi athumwui vare ngasāhaowa; khayakkhamarao otsakli athumna langsoi, athum okathui otmāngli phaninga,