MISHĀN 11:31 - Kathara Bible (BSI)

³¹ Kala Prohowui eina masi phanshokta kongkui kachungkha shamadruwui eina yongshok ngasaka, kala athumwui rāmrah ngalemli hivāk thangzatkhawui vāng kala lākhavāk thangzatkhawui vāng da rāmrah kuimareida, kala ngaleiwui eina khuining khani shāda tatung ngasaka.

MISHĀN 11:31 Iomraidhean Croise

LAA 105:40

Athumna poda ana kongkui vānao khuirāmi, kala khavāt maleila kazingram eina kashakazā mi.

LAA 106:15

athumna kapo chi ana mi, kha shimān khangasaka kazāt rāngasaka.

LAA 135:7

Okathui akatang eina muiyā ngasuikā khangasak, kazing rokhavai rikhān ngashei khangasak; awui kazip khavai chikhurwui eina masi phankhangasaka chi alaka.

SHONGZĀ 10:13

Chithāda Mosesna awui khāmshui singda Egypt ngaleili apāng khāngkakā eina Prohona zingsho masi phanrā ngasakta ngashun pongda kala chithang ngayā pongda phana; kala ngathorshong zingshoshongwui masi china khaoh phanrai.

SHONGZĀ 10:19

Kala Prohona zingtunshongwui masi panglāk eina phanngasakta khaoh saikora Red Seali phansang ngasakserhaowa, kala Egypt ngaleili khaoh akhanidala maleilathuwa.

SHONGZĀ 15:10

Nana nawui masi phanda, ngayina athumli farora; mari thāda athumna kapanga tara̱lungli ngaphumhaowa.”

SHONGZĀ 16:13

Ngazinshong kongkui yongrāda athumwui rāmrah pema, kala ngathor rāmrah kuimareida ikra̱ tai.

MISHĀN 11:30

Chieina Moses kala khararnaobing chi rāmrahli unghaowa.