MISHĀN 11:25 - Kathara Bible (BSI)

²⁵ Chieina Prohona muiyalung eina tāda ali ngazeka, kala awui eina manglā ngayarda arar hangshini chili sangmi, kala manglā chi athumwuili zangkahai eina, athumna marānuwa. Kha naoda athumna chithāda masāluimana.

MISHĀN 11:25 Iomraidhean Croise

2 WUNGNAOBING 2:15

Chitharan Jericholi khalei marānbingwui naomayarabingna ali khalāda kathei eina hānga, “Elijahwui manglā Elishali zanghaira.” Kala athumna ali angaroklaga awui mangāli ngakhumsanga.

NEHEMIAH 9:20

Athumli tamchithei khavai nawui kaphā Manglā chi mi, kala nawui mannala athumwui khamorwui eina makhuithuihaimana; kala athumwui ra̱kachangwui vang tara̱la mi.

LAA 99:7

Muiyāwui pākra̱ eina ana athumli ngazekmi; athumna awui hāngkahai, kala ana mikahai shiyan-chikan mayona.

SHONGZĀ 32:32

Kha ara, nana mayāmiakha athumwui morei pheomilu—chi maningakha nawui lairikli kapi kahai iwui ming chi khuishokmihaolu da ina nali seihā sāda poli.”

SHONGZĀ 34:5

Kala Prohona muiyālungli tai kala ali ngasoda chili rānganinga, kala Prohowui ming phongshoka.

SHONGZĀ 40:38

Kaja shongzā peida Israel shimkhur saikorawui mikli ngashun kachida Prohowui muiyā kala ngayāshong mei tabernaclewuitungli khalei chi thei.

ISAIAH 63:11

Chiwui thili achālakhawui atam, awui rao Moseswui pongli phaningunga. Awui yaoshangli homkhamebing shamadruwui eina thānkashoka chi kali lei? Awui kathara Manglā athumli sangkhame chi kali lei?

EZEKIEL 8:11

Chiwui mangāli Israel shimkhurwui ararnaobing athum hangshini nganingsai, chili Shaphanwui naomayara Ja-azaniah athumwui alungli zangsai. Kachichāwui meishārkhong singsera kala nganamkaphā otwui meikhut chi muiyā thāda ngapānkai.

MISHĀN 11:17

Chieina ina nali chili tāngazekra; kala nawui eina ina manglā kakhuilaga athumli sangmira, chieina athumnala mibingwui kachot chi nali phungrumra, namāngna maphungluimara.

MISHĀN 12:5

Kala Prohona muiyāwui pākra̱ eina tāda kachonshimwui khāmongli tānganingda Aaron eina Mariamli hoi; kala ani khanina mangāvāk rai.

MISHĀN 16:25

Chieina Mosesna ngakarthuida Dathan eina Abiramwuili vai, kala Israelwui khararnaobing ali shura.

MISHĀN 24:2

Balaamna ngashantāda Israel shang-shang eina rāmrah sākapam chi Balaamna thei. Kala Varewui manglā ali rāzanga,

MISHĀN 27:18

Kala Prohona Mosesli hānga, “Nunwui nao Joshuali khuilu; a sāshapa mina, kala awuitungli napāng khāngkāmilu,

OTSAK 11:28

Athumwui ngachaili Agabus kaho china nganingkada, okathui hili chāmrei akha rāra da Manglāwui pangshap eina phongmi. Hi Claudiusna awunga sāda leilakha shoka.

1 CORINTHNAO 14:32

Marānbingwui manglā chi marānbingna kasingna.

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.

2 PETER 1:21

Kaja khamarān hi miwui ning eina haokaphok maningmana, kha Manglā Katharana kasatmilaga Varewui eina kharā tui chi mikumona khamatuina.

WUNGVA̱-WUNGVĀ 3:10

Prohowui Manglāna awuitungli tāshungmida ana Israelli mungsai; kala ana thānda rai vai, kala Prohona Mesopotamiawui awunga Cushan-rishanthaimli awui pāngli horsangmida ana yuihaowa.

1 SAMUEL 10:10

Anina Gibe-ahli ungkashung tharan, ali marān kachungkha samphanga; kala awuitungli Varewui manglā zangmida ala phongkhami tui matuiya.