MISHĀN 11:23 - Kathara Bible (BSI)

²³ Chieina Prohona Mosesli hānga, “Prohowui pāng sha̱nāhaola? Ara iwui tui nawui vang ungshungnika maungshungnikhala yanglu.”

MISHĀN 11:23 Iomraidhean Croise

HAOKAPHOK 18:14

Prohowui vang sakkhanā khi leikhala? Hāngkahai atam mayokachāng ina rāluira, kala Sarahna naomayara akha samphangra.”

2 WUNGNAOBING 4:43

Kha awui raona hānga, “Mi shākha khalei hili kathāda mimameirakhala?” Ana hānglui, “Athumli shaikhavai mihaolu; kaja Prohona hithāda hānga, athumna shailaga kataila taira.”

2 WUNGNAOBING 7:2

Awungana pāngli shaikapama raimi kathāna china Varewui mi chili hānga, “Prohona kazingramwui charfabing shomilala shaprala?” Kha ana hānga, “Nawui mik eina theichaora, kha nana chi kazā masamphangmara.”

LAA 78:41

Latlui latluida athumna ali tamyanga, kala Israelwui kathara chili malung thuingasaka.

SHONGZĀ 6:1

Chieina Prohona Mosesli hānga, “Ara ina Pharaohli khi sārakhala kaji nana theira; kaja pangshapa pāng eina ana athumli chihora; pangshapa pāng eina ana athumli awui ngalei eina kashamshokra.”

ISAIAH 50:2

“I kharā tharan chili khisāda mi maleisāthu? Kaho tharan chili ngahānkā khavai khipākha maleithu? Ipāng sha̱nāhaida mahuimirarmara jihaola? Maningakha huimi khavai I pangshap maleithula? Yanglu, ina kakahar eina shamadru thengshapa, kongbingla siwuk sāngasaka; tara̱ khavātwui vang athumwui khaih nganamshishuna, kala ra̱kachang eina thiya.

ISAIAH 59:1

Yanglu, huimi khavai Prohowui pāng masha̱nāmana; shākhavai khanāla mangazanmana;

JEREMIAH 14:9

Khisāthuda na pa̱khangapā, makanmikharara kapanga mi thāpairakhala? Chithālala O Proho, na ithumwui alungli leida lei, kala ithumli nawui ming eina hoi, ithumli horkahai masāmialu.”

JEREMIAH 32:17

“Iyavo, Vare Proho! Okathui eina kazingram nawui hakkhamahā pangshap kala napāng katingkashok eina sākakhuina! Nawui vang sakkhanā maleimana,

JEREMIAH 32:27

“Yanglu, I Prohona, phasā khavai saikorawui Varena; iwui vang sakkhanā leila?

EZEKIEL 12:25

Kha Proho ina hāngki kaji chi ina hāngra, kala makahatla ungshungra. Chi masāngluimara, kha nawui atamle, O ngakaikashe shimkhur, ina tui chi hāngtāra kala ungshung ngasakra,” da Proho VAREna hānga.

EZEKIEL 24:14

Proho ina hangkahaina, hi ungshunglakra, ina chi sālakra, ina mangalanlakmara, ina mahailakmara, ining mangacheilakmara, nawui kasākhavā otsak athishurda bichar sāra, da Proho VAREna hānga.”

DANIEL 6:20

Danielli horsang khavai kazingkha̱khurli vāshung khaleoda malungringlak eina Danielli avaowa, “O Daniel, kharinga Varewui rao, nana thangkachida kaphaninga nawui Varena kazingkha̱ khamorwui eina mahuimikhala?”

MICAH 2:7

Hi hāngngayila, O Jacobwui shimkhur? Prohowui Manglā chi majimirarthula? Hibing hi awui otsakla? Mashun eina kazata a chili iwui tuina khamathā masāmimala?

MISHĀN 11:22

Athumli ngarin khavai seishang, yaoshang taithatmirala? Lha athumli ngarin khavai shamadruwui khai katonga kazipkhuirala?”

MISHĀN 23:19

Vare hi kakapika maningmana, lah ning ngacheiki kaje miwui nao maningmana. Ana hāngkahai ngalanrala? Lha ana matui kahai maungshung ngasakmala?

MATTHEW 19:26

Kha Jishuna athumli yanglaga hānga, “Mikumowui vanga hi masāpaimana kha Varewui vanga masākapai maleimana.”

MATTHEW 24:35

Kazingram kala okathuila shimānhaora, kha iwui tui mashimānlakmara.

LUKE 1:37

Kaja Varewui vang saknā kahai khikha maleimana.”