MISHĀN 11:22 - Kathara Bible (BSI)

²² Athumli ngarin khavai seishang, yaoshang taithatmirala? Lha athumli ngarin khavai shamadruwui khai katonga kazipkhuirala?”

MISHĀN 11:22 Iomraidhean Croise

2 WUNGNAOBING 7:2

Awungana pāngli shaikapama raimi kathāna china Varewui mi chili hānga, “Prohona kazingramwui charfabing shomilala shaprala?” Kha ana hānga, “Nawui mik eina theichaora, kha nana chi kazā masamphangmara.”

MISHĀN 11:13

Mi saikora hili ina kachili sā akhuida mirakhala? Kaja athumna, “Ithumli sā shaikhavai milu” da iwui mangāli chapta hānghaira.

MISHĀN 11:21

Kha Mosesna hānga, “Ina thānkazat mibing hi mashing thingshātharukna; laga nana ‘Ina athumwui shaikhavai sā mira, chieina athumna kachāngkha peida shaira!’ da hānga.

MISHĀN 11:23

Chieina Prohona Mosesli hānga, “Prohowui pāng sha̱nāhaola? Ara iwui tui nawui vang ungshungnika maungshungnikhala yanglu.”

MATTHEW 15:33

Chieina sākhangatha̱bingna ngahānkai, “Yarui hiyākha hili mizā khavai lamhāng hili kashakazā ithumna kali vākhuirakhala?”

MARK 6:37

Kha Jishuna ngahānkai, “Nathumna athumli zākhavai khamilu.” Athumna ngahāna, “Athumli mizā khavai denari shākhani sha̱khawui khamui alokhuilu kajila?”

MARK 8:4

Kala awui sākhangatha̱bingna ngahānkai, “Siwuk hili kachiwui khamui vākhuida mi hiyakhali phāchizatpaira?”

LUKE 1:18

Chieina Zechariahna kazingrao chili hānga, “Hi ina kathada theikhuipairakhala? Kaja I kasarnaona kala ipreiva̱la sarhaira.”

LUKE 1:34

Chieina Maryna kazingrao chili hānga, “Hi kathada shokpairakhala, iva gaharala maleimana?.”

JOHN 6:9

“Naoshinao akhana khamui phangā, khai khani da khuiphungda lei, kha mi hiyākhali china kali tangra?”