MISHĀN 11:20 - Kathara Bible (BSI)

²⁰ kha nganamkashina mamalongairanglakha eina tangda kachāng peida shaira, kaja nathumli khangayur Proholi nathumna mamayāmada “Kachiwui vang eina ithum Egyptwui eina shoksākhala?” da chapa.’”

MISHĀN 11:20 Iomraidhean Croise

2 SAMUEL 12:10

Chiwui vang ara raighai china nawui shimkhurwui eina mapākthuimara, khikhalajila nana ili chipathaira, kala Hitpa Uriahwui preiva̱li nana ngakumhaira.’

LAA 106:15

athumna kapo chi ana mi, kha shimān khangasaka kazāt rāngasaka.

SHONGZĀ 16:13

Ngazinshong kongkui yongrāda athumwui rāmrah pema, kala ngathor rāmrah kuimareida ikra̱ tai.

SHONGZĀ 16:3

“Egypt ngaleili khaih, sāmāng shaida kashakazā mavātlakla thoting eina pamda Prohowui pāngli thihaisasi kaje phāra; khikhala jila mi hiyākha lamhāngli kathai eina thikhavai nanina ithumli thānkashokna.”

SHONGZĀ 16:8

Kala Mosesna hānga, “Nathumli ngazin sā mikashai, ngathor zāt thoting eina mikazā tharan hi Prohona kaji nathumna theira, kaja ali kharopta khamatui Prohona shāhaira—ini khida? Nathumwui kharopta khamatui chi inili maningmana, kha Proholina.”

CHĀNSAM 27:7

Sānkahai mina khuira̱ ningkachai, kha thaida khalei mile kakhā ot saikora shimserhaowa.

MALACHI 1:6

“Naomayarana avāva̱li khayāshi, kala raona akhavāli khayāshi. Chithākha, I avāva̱ akhana jilaga ili khayākashi kali leili? Kala I akhavā akhana jiakha ili khangachee kali leikhala? da saikorawui Prohona awui mingli yangkakharinga, pāngmonbing, nathumli kahāngna. Nathumna hānga, Ithumna nawui mingli kathāda yangkharinghaokhala?

MISHĀN 11:13

Mi saikora hili ina kachili sā akhuida mirakhala? Kaja athumna, “Ithumli sā shaikhavai milu” da iwui mangāli chapta hānghaira.

MISHĀN 11:19

Nathumna thangkha, lah khanithang, phangāthang, tharāthang, maga̱ thangmāng shaiki kaji maningmana,

MISHĀN 11:21

Kha Mosesna hānga, “Ina thānkazat mibing hi mashing thingshātharukna; laga nana ‘Ina athumwui shaikhavai sā mira, chieina athumna kachāngkha peida shaira!’ da hānga.

MISHĀN 14:3

Prohona kachiwui vang eina ithumli raighaili thisang khavai ngalei hili thānkharākhala? Ithumwui preiva̱ kala naongarā athumwui sāshai ngasāhaora; ithumwui vanga Egyptli latung kahaina maphāmeimarala?”

MISHĀN 14:4

Kala athum akha eina akha hāngngaroka, “Ithum raikhoka akha kapangkhuilaga Egyptli latunghaosa.”

MISHĀN 16:13

Nana ithumli seina̱ eina khuira̱ khalonga ngaleiwui eina hoshoklaga lamhāngli chithit khavai kala nakhalatta ithumwui wungnao sākhavai kasā hi kapai otla?

MISHĀN 20:4

Khiwui vang nana Prohowui mi ashangva̱ hi lamhāng hili thānkharākhala? Kaja ithum kala ithumwui sha̱keili chithit khavai thānkharāla?

MISHĀN 21:5

Kala mibingna Varewuitungli kala Moseswuitungli mamayāmada hānga, “Khiwui vang ithumli lamhāngli chithit khavai Egyptwui eina thānkashokkhala? Kaja hili zāt kala tara̱la malei, kala makānkhanā zāt hila sānhaira.”

OTSAK 13:41

‘Yanglu, he mana̱shikazarbing! Nathum matakhakhaida shimānhaora, kaja ina aja nathumwui thotli kasā otsak hi, khangatei akhana hāngchitheilala nathumna mashitsangphāphāki kaji otsakna!’”

1 THESSALONICANAO 4:8

Chiwui vang eina tui hili mahengkasangapā china mikumoli maningla kha nathumli Manglā Kathara sangkhame Vare chili mahengkasangna.

JOSHUA 24:27

Kala Joshuana mi saikorali hānga, “Yanglu, ngalunggui hi ithumwui shākhina; kala Prohona ithumli matui kahai tui saikora hina shākahaina; chiwui vang eina hina nathumwui shākhi ngasāra, maningakha nathumna nathumwui Vareli minamda sapaishina.”

1 SAMUEL 10:19

Kha, kakhanang kachotwui eina, sipkasāwui eina huikhame nathumwui Vareli ara mamayāla, ‘Ngga! ithumwuitungli awunga sangmilu’ da hānga. Chiwui vang eina ara nathum shang-shang kala thingthing eina kaziplaga Prohowui mangāli nathum khalatta rālu.”

1 SAMUEL 2:30

Chiwui vang Israelwui Vare Prohona hangdalei: Nawui shimkhur kala navāwui shimkhurna iwui mangāli katang mavaila kashok-kazang yangmichingra da ina ngashithairasai; kha ara Prohona hānghaira: Chi iwui eina katāva̱li leiranu; kaja ili khayākashi mili inala maiyā ngasakra; ili khayākashi mi chili inala khayā shira, ili ningkakachaiya saikorali ina khonshira.