MISHĀN 11:2 - Kathara Bible (BSI)

² Chieina athumna Mosesli khangakao eina Mosesna Proholi seihā sāda mei chi mithaowa.

MISHĀN 11:2 Iomraidhean Croise

LAA 106:23

Chiwui vang ana athumli shimān ngasakra da hānga— kha ana kapangkakhui Mosesna awui mangāli nganingkhamida, athumli sāshimānki kaji awui malungkhavāt makhuithui ngasaksasi kaje athum shimānra.

SHONGZĀ 10:18

Chiwui vang ana Pharaohwui eina shokta Proholi seihā sai.

SHONGZĀ 34:9

Kala ana hānga, “Ara ili nana nawui mikyanli lumashanmiakha, O Proho, ina nali seihā sāli, ithumli khangasozatmilu, miyurbing hi hāngda makhuilala Prohona ithumwui khalāng morei pheomihaida nawui shimlui miki kaji chili kathānvāmilu.”

ISAIAH 37:4

Assyriawui awungana Rabshakehli kharinga Vareli mana̱shi khavai chihokharā chiwui tui nawui Proho VAREna shāhaira̱ra kala nawui Proho VAREna shākahai tui chili mamayāmada kahara; chiwui vang eina shākhaida khalei kharingbing hiwui vang nana seihā kasāmilu.’”

JEREMIAH 15:1

Chiwui thili Prohona ili hānga, “Moses eina Samuelna iwui mangāli nganinglala, iwui wuklung mibing hili mangareiungluimara. Iwui maiyan eina kashamhaolu, kala athumli thui ngasakhaolu.

JEREMIAH 37:3

Awunga Zedekiahna Shelemiahwui naomayara Jehucal eina Ma-aseiahwui naomayara Zephaniah pāngmonli Jeremiah marānwui ngalemli chihovāda hāngngasaka, “Ithumwui vang ithumwui Vare Proholi seiha kasāmilu.”

JEREMIAH 42:2

marān Jeremiahli ahānga, “Nawui mangāli ithumwui kapo kakhuisangmida nawui Vare Proholi ithum kala shākkahai saikorawui vang seiha kasāmilu (nana thei kaja ithum kateokhamāng taikahaina),

MISHĀN 12:11

Kala Aaronna Mosesli hānga, “O, ishāmei, iniwui mangma̱sak kala morei sākahai chiwui vang inili tandi mamialu.

MISHĀN 12:13

Chieina Mosesna Proholi ngakaoda poi, “Ali kharaimihaolu, O Proho, ina nali poli.”

MISHĀN 21:7

Chieina mibingna Mosesli rāda hānga, “Ithumna morei sāhaira, Prohowuitungli kala nawuitungli makhamayā tui matuihaira. Phara̱bing hi ithumwui eina khuithuimihai khavai Proholi pomilu.” Chieina Mosesna mibingwui vang seihā sai.

OTSAK 8:24

Simonna hānga, “Zingarāda iwui vang seihā sāmilu, chithākha nanina hāngkahaibing chiwui eina akhala iwuitungli matārormara.”

HEBREWNAO 7:26

Chiwui vang eina ithumwui ningkachāng ungshung khavai pāngmon kharei chi Jishuna. A Katharana; ali khayon kala morei maleimana; morei kaphungbingwui eina ngateimihaida kazingramli chuimeida khuikāhaira.

JAMES 5:16

Chiwui vang eina kakazā raikhavai, akha eina akha morei hangphat ngaroklu, kala akhana akhawui vang seihā sāmilu. Khamashunga miwui seihā kasā ungshunglaka.

1 JOHN 5:16

kachikathā mi akhana, avānao akhana mathikapai morei kasā theiakha ana awui vang seihā sāmiranu, chieina mathikapai morei kasāwui vanga Varena ali ringngasakra. Thikapai morei lei; chikathāwui vang seihā sāmilu da ina kahāng maningmana.