MISHĀN 11:18 - Kathara Bible (BSI)

¹⁸ Kala mibingli hithāda hānglu, ‘Akhamawui vang nathum khalatta tharchigatlu; nathum sā shaira. Kaja Prohowui mangāli, “Ithumli khipāna sā mishaira? Kaja ithum Egyptli sā mavātla shaisai” da nathumna chapta kahāng chiwui vang eina Prohona nathumli sā mida nathumna shaira.

MISHĀN 11:18 Iomraidhean Croise

HAOKAPHOK 35:2

Chiwui vang Jacobna awui shimkhur kala ali khangasobing saikorali hānga, “Nathumwui alungli khalei ayar mibingwui varebing horserhaolu, kala nathum khalatta tharmathengda kashankachon shinhaolu;

JOBWUI LAIRIK 20:13

kala ana chi sānhaida horhaingailala; kala akhamorlungli ngahomlala,

JOBWUI LAIRIK 20:23

Ana thoting eina wuk chipemkhui khavai Varewui sākashi malungkathui awui kashakazā sāda awuitungli rotāra.

LAA 78:20

Ana lunghārli ngaphitta chieina tara̱ wokshokta kongrābing phongshilonga. Zātla mishapta, awui mibingwui vang sāla ngaranmishaprala?”

SHONGZĀ 16:8

Kala Mosesna hānga, “Nathumli ngazin sā mikashai, ngathor zāt thoting eina mikazā tharan hi Prohona kaji nathumna theira, kaja ali kharopta khamatui Prohona shāhaira—ini khida? Nathumwui kharopta khamatui chi inili maningmana, kha Proholina.”

SHONGZĀ 19:10

Kala Prohona Mosesli hānga, “Mibingwuili vāda aja eina akhama tharchigat ngasaklu; athumwui kashankachon ngasa̱ ngasaklu;

SHONGZĀ 19:15

Kala ana mibingli hānga, “Kakathumathang chi khangarān sāserlu, sha̱nao ngalemli mavālu.”

SHONGZĀ 19:22

Kala Prohowui ngalemli rāki kaje pāngmonbing china athum khalatta tharchigatranu; chi maningakha Prohona tandi mira.”

MISHĀN 11:1

Kala mibingna athumwui kachotkachāngwui vang Prohowui miktāli ngurngur matuiya; kala chi Prohona kashā eina, ali malung thuingasakhaoda, Prohowui mei athumwui lungli chuihaoda ayarwui rāmrah kaikha chuitāhaowa.

MISHĀN 11:19

Nathumna thangkha, lah khanithang, phangāthang, tharāthang, maga̱ thangmāng shaiki kaji maningmana,

OTSAK 7:39

“Kha ishāvā ngarāna awui kahāng manganāthuwa, kala ali horhaida athum Egyptli hanungluishitngaihaoda

JOSHUA 7:13

Nganingkālu! mibingli thar ngasaklu kala hānglu, akhamawui vāng nathum khalatta tharlu; kaja Israelwui Proho Varena hithāda kahāngna: ‘O Israel, nathumwui alungli sākathān kahai otbing leidalei; nathum alungwui eina otbing chi makhuithuiranglakha eina tangda, nathumwui yangkashebingli nathum mangasungrarmara!’

WUNGVA̱-WUNGVĀ 21:2

Kala mibingna Bethelli vāda, ngazin vāshungda Varewui mangāli ngavaoda chapsasui akhoruma.