MISHĀN 11:12 - Kathara Bible (BSI)

¹² Mi saikora hi ina vaikhuila? Athumli ina pharākhuida nana ili ‘Na̱ khamanga naoli kaphung thāda,’ nana athumwui avāva̱ ngarāli ngashit kahai ngalei chili phungvālu kajila?”

MISHĀN 11:12 Iomraidhean Croise

HAOKAPHOK 13:15

kaja nana kathei ram saikora hi ina nali kala nawui naotunbingli katang mavaila mira.

HAOKAPHOK 24:7

Ishāvā ngarāwui eina, kala kapharā pam eina thānshokta ‘Nawui ara̱-azāli ina lam hi mira,’ da shākhi sāda kahānga kazingramwui Proho Varena nali rida awui kazingrao chihora, kala nana inaomayarawui vang apreiva̱ chiwui eina akhuimira.

HAOKAPHOK 26:3

Ina kahāng apam chili vālu, ina nali ngasomira kala somira; nali kala nawui ara̱-azāli; navā Abrahamli ngashit kahai chi ungshung ngasakta ram saikora chi na eina nawui atheili mira.

HAOKAPHOK 50:24

Kala Josephna achināngarāli hānga, “I thiki jihaira; kha Varena nathumli ngasomida, Abrahamli, Isaacli, Jacobli ngashit kahai lam chili, apam hiwui eina thānshokra.”

2 WUNGNAOBING 10:1

Ahabwui naomayara hangshini Samariali leisai. Chieina Samariawui khamungabing, ararbing kala Ahabwui naomayarabingli khamayonabingli Jehuna chithi chiphunda hānga,

2 WUNGNAOBING 10:5

Chiwui vang eina konung akhavāla, keinung kashinala, ararbingla kala khamayonabingla khokkha sāda Jehuli pao chihovāda hānga, “Ithum nawui raosera, nana sālu kaji saikora ithumna sāra. Ithum khipālikha awunga khangatei maphāsangmara, nawui phāra kaji chi sālu.”

SHONGZĀ 13:11

“Prohona nathumli kala navā ngarāli ngashit kahai Canaan ngaleili nathumli thānzangda chi nathumli mikahai tharan,

SHONGZĀ 13:5

Kala Prohona navā ngarāli mira da ngashit kahai Canaannaobing, Hivnaobing, Hitnaobing, Amornaobing, kala Jebusnaobingwui ngalei seina̱ eina khuira̱ khalong ngaleili thānkazang chitharan otsak hi kachāng hiwui alungli mayonchingki kajina.

SHONGZĀ 33:1

Prohona Mosesli hānga, “Na kala nana Egypt ngaleiwui eina thānshok kahai mi saikora, ina Abrahamli, Isaacli, kala Jacobli ngashitta, ‘Ina nawui naotunbingli mira’ kaji apam chiwui vang zatphokulu.

SHONGZĀ 6:8

Kala Abrahamli, Isaacli, Jacobli mirada ngashit kahai lam chili ina thānungra; chi nathumwui ngasā khavai ina mira. Proho chi ina.’ ”

ISAIAH 40:11

Yaokahoma thāda ana yaobingli mizāra; yaonaobing apāngli kazipkhuira; awui makāli vamzatra; kala anao khangathāna ava̱bingli ngaironda homzatra.

ISAIAH 49:15

“Na̱ mangda khalei naoli ava̱va̱na malaishapla, awui naopamwui eina kashoka awui naomayarali malumashanmarala?” Athumna malaihaisālala, iva nali mamalaimara.

ISAIAH 49:23

Awungabingna nathumli nganaokakhuiya avāva̱ ngasāra, awungva̱bingna nathumwui khanganaova̱ ngasāra. Athumwui mai ngaleili mashunzangda nathumli khorumra, kala nathum pheiwui chifa athumna malekra. Chieina I Prohona kaji nathumna theira. Ili khangaraibing chi mai mashimara.”

EZEKIEL 34:23

Kala ina athumli yaokahoma akha, iwui rao Davidli phāsangra, kala ana athumli phāchizātra: ana athumli phāchizatta athumwui kahoma sāra.

JOHN 10:11

“I kaphā yaokahomana. Kaphā yaokahoma china yaobingwui vang manglā chihomi.

1 CORINTHNAO 4:15

Khristawuili nathumli thankhame thingthing leisālala Avāva̱ chiya akhamānga. Khrista Jishuwui mibing nathumli ina paokaphā khuirākhamiwui vang I nathumwui avāva̱ ngasāhaowa.

GALATIANAO 4:19

Inao ngarā, Khristawui khangachā chi nathumwuili maleiranglakha eina tangda ava̱na naokhara̱li kachot thada nathumwui vang ina chotluida lei.

KHALATLUI 1:31

kala nathum hili marāshungranglakha eina tangda nathumwui kazāt-kakar kachida avāvana anaomayarali phungkazat thāda, Proho nathumwui Vare china nathumli kathāda apam hili khuirākhala da nathumna katheina.’

1 THESSALONICANAO 2:7

Kha ava̱va̱na anaongarāli sophayolak eina khanganao thada nathumwui ngachaili ithumna malungnimlak eina sai.