MISHĀN 11:1 - Kathara Bible (BSI)

¹ Kala mibingna athumwui kachotkachāngwui vang Prohowui miktāli ngurngur matuiya; kala chi Prohona kashā eina, ali malung thuingasakhaoda, Prohowui mei athumwui lungli chuihaoda ayarwui rāmrah kaikha chuitāhaowa.

MISHĀN 11:1 Iomraidhean Croise

HAOKAPHOK 38:10

Ana kasā otsak china Proholi ningyāng maungngasakthuda alila shaothathaowa.

2 SAMUEL 11:27

Kala chapkhangachā atam chi peikahaiwui thili Davidna chihovāda awui shimli hounga, kala ani ngakumda naomayara akha pharākhui. Kha Davidna kasā otsak china Proholi maringphāngasakthuwa.

2 WUNGNAOBING 1:12

Kha Elijahna ngahānkai, “I Varewui mi akhana jiakha, kazingwui eina mei tāda na kala nawui hangphangā chilila chuithathaoranu.” Chieina kazingwui eina mei tāda alila awui hangphangā chilila chuithatserhaowa.

JOBWUI LAIRIK 1:16

Ana hāngmahungda leilakha khangatei akhala ungrāsai, kala ana hānga, “Varewui mei kazing eina tāda yao saikora kala rao saikora chuithatserhaira; kala pao hi ungmi khavai imāng ngathikashokna.”

LAA 106:18

Athumwui ngachaili meila chuishoka, makhayābingli meiwonna chuithathaowa.

LAA 78:21

Chiwui vang Prohona chi kashā tharan, a malungkhavātna pemtinghaowa; Jacobwuitungli mei kāhaowa, Israelwuitungli awui malungkhavāt mataisanghaowa;

LAA 78:63

Meina athumwui yaronnaobing chuitai, kala naongalāva̱ ngarāna shakkazā laa masāthuwa.

SHONGZĀ 16:7

kala ngathorshong nathumna Prohowui tekhamatei chi theira, kaja nathumna Proholi kharopta khamatui ana shāhaira. Kaja ini khinida nathumna iniwuitungli kharopkhala?”

SHONGZĀ 16:9

Kala Mosesna Aaronli hānga, “Israelwui ashangva̱li hānglu, ‘Prohowui ngalemli rānganaimeilu, kaja ana nathumwui kharopta khamatui shāhaira.’”

ISAIAH 10:17

Israelwui kahor chi mei ngasāhaora, kala awui Katharapā chi meiwon ngasāhaora, kala china ka̱shātla, phānāngla, thangkha chuitup tāhaora.

ISAIAH 30:33

Kaja riktā khavai apam akha ngarānhaidalei; mha, awungawui vang kathuka kala khamashā meifa akha, meilā thingla sorngasaida ngarānhaidalei; Prohowui khakkhā china mei thāda thotkāra.

ISAIAH 33:14

Zionli khalei morei kaphungbing ngacheehaira; Vare makatheibing nganukhaira: “Ithumwui ngachaili khipāna chuida khalei meili okthuirumshapra? Ithumwui ngachaili khipāna khamit makhavai meili okthuirumshapra?”

CHAPCHĀT 3:39

Khisāda kharinga mi akhana, awui moreiwui vang tandi khami tharan mamayāngaimana chipairakhala?

EZEKIEL 20:36

Egypt ngaleili navā ngarāli ina bichar kasā thāda nathumlila ina bichar sāra,” da Proho VAREna hānga.

PĀNGMONSHI 10:2

Kala Proho khaleipamwui eina mei shokta anili chuithathaowa, ani khanini Prohowui mangāli thihaowa.

NAHUM 1:5

Phungreibing awui mangāli nganuka, phungrābing menga; okathui kala chiwui alungli khalei saikora awui mangāli khikha masāvaimana.

HABAKKUK 3:5

Awui mangāli kazātkashi rai, kala mimaona yunronda shurzata.

MISHĀN 10:33

Chiwui thili athumna Prohowui phungrei chiwui eina kathumthangwui shongzā zatuwa, kala athumwui ngasām khavaipam phākhui khavai tuingashit oko china rida zata.

MISHĀN 11:18

Kala mibingli hithāda hānglu, ‘Akhamawui vang nathum khalatta tharchigatlu; nathum sā shaira. Kaja Prohowui mangāli, “Ithumli khipāna sā mishaira? Kaja ithum Egyptli sā mavātla shaisai” da nathumna chapta kahāng chiwui vang eina Prohona nathumli sā mida nathumna shaira.

MISHĀN 12:2

Kala anina hānga, “Prohona Mosesmāngli ngazekla? Ana inilila mangazekmala?” Chieina Prohona chi shāhaowa.

MISHĀN 14:2

Kala Israelwui mibingna Moses eina Aaronwuitungli kharopa; yarui ashangva̱na anili hānga, “Ithum Egypt ngaleili lah lamhāng hili thihaisasi kaje phameira!

MISHĀN 14:22

iwui tekhamatei kala khudam Egyptli kala lamhāngli ina chithei kahai chi theilala ili tharā shida chāng yangda kala iwui tui manganāsang thuda,

MISHĀN 14:27

“Karankha makhayā yarui ashangva̱ hina iwuitungli ngurngur matuira? Israel mibingna iwuitungli ngurngur khamatui saikora ina shāhaira.

MISHĀN 14:28

Athumli hānglu, ‘I leilakha eina tangda’ da Prohona hānga, ‘Nathumna iwui miktāli hāngkahai chiwui athishurda ina nathumli sāra:

MISHĀN 16:11

Chiwui vang eina nathum kala nathumli ngasokazatabing kazip kakhui hi Proholi makhamayāna; Aaron khipāda nathumna awuitungli ngurngur khamatuikhala?”

MISHĀN 16:35

Kala Prohowui eina mei chihorada thaokhong kasing mi shākhani hangphangā chila chuitahaowa.

MISHĀN 17:5

Kala ina kapangkakhui mipāwui khāmshui chi ashon shonra; chithāda sāda Israel mibingna nawuitungli ngurngur matuiching kaji hi ina shimān ngasakhaora.”

MISHĀN 21:5

Kala mibingna Varewuitungli kala Moseswuitungli mamayāmada hānga, “Khiwui vang ithumli lamhāngli chithit khavai Egyptwui eina thānkashokkhala? Kaja hili zāt kala tara̱la malei, kala makānkhanā zāt hila sānhaira.”

1 CORINTHNAO 10:10

Kaikhana phenphāphā kajiwui vang kazingraona thingasak kahai chithada, ithumla maphenphāphā phalungmara.

KHALATLUI 25:18

nathumna chotchānglak eina kala khanangda zatlakha nathumli kathāda rāngarar, kala nathumli naokazatbingli kathāda shātkhamkhala; ana Vareli khangachee maleimana.

KHALATLUI 32:22

Kaja iwui malungkhavāt eina mei chuihaira, kala chi Kathewui ram zangshungda chuiya, okathui kala chiwui thingnā-ra̱hā chuiserhaira, kala phungreipheibing saikora mei chuihaira.

KHALATLUI 9:22

“Taberahlila, kala Massahlila kala Kibroth-hattaavahlila Proholi nathumna malung thuingasaka.

HEBREWNAO 12:29

Kaja ithumwui Vare hiya kachuia meina.

JAMES 5:4

Yanglu, lui vākhamebingli nathumna ngalangman makhamiwui vang athumna chapta lei kala athumwui kachapkhon Reikhamatai Proho Varena shāhaira.

JUDE 1:16

Mibing hina chānkhalop eina kateili phenphāphai, kachorkashe, malungkachāng, katho-kachir makhavai kala tongzā khavai mili sotkhamasaoli akachanga sai.