MISHĀN 10:9 - Kathara Bible (BSI)

⁹ Kala nathumwui ngaleili singkakharengali rai vākasā tharan talla̱khon kala ning ngasharkhavai khongra, kaja Proho nathumwui Varena nathumli phaningungda yangkashibingwui eina nathumli kanmira.

MISHĀN 10:9 Iomraidhean Croise

HAOKAPHOK 8:1

Kha Varena marikhonglungli khalei Noah, kala sha̱kei eina sāyur saikorali phaningunga. Kala Varena okathuili masi phanngasakta tara̱ thengmamanhaowa.

2 THOTRINCHĀN 13:12

Yanglu, Varena ithumwui mangāli thānmida lei, kala awui pāngmonbingna nathumli rai sākhavai athumwui talla̱ khongkhavai ngarānhaira. O Israelwui naobing; navā ngarāwui Proho Vare chili rai masālu; kaja nathum mayuimara.”

2 THOTRINCHĀN 13:14

Judahna yangkhavā tharan mangāshongla khanukshongla yanggashemānghaowa, kala athumna Proholi ngakaowa, kala pāngmonbingna talla̱ khonghaowa.

LAA 106:4

O Proho, nawui mibingli ngahānkhangai chitheikhami tharan, ilila kaphaningungmilu; athumli nana kankashok tharan, ili khangachonmilu;

LAA 106:42

Athumwui yangkashebingna rekhareka; kala athumwui pangshapwui azingli haihaowa.

LAA 136:23

Ithum ngazanlakha phaningungkhame chi a laka, kaja awui makhangachei leikashi katang mavaimana;

ISAIAH 18:3

Apuk-apagali khalei nathum saikora, okathuili kapama nathum hupta, kaphungli khamachut akha kashok tharan, yanglu! talla̱ kakhong tharan, nganālu!

ISAIAH 58:1

“Pangda vaolu, nakhon talla̱ kakhong thāda vaolu; iwui mibingwui khayon phongmilu, athumwui morei, Jacobshi shimkhurli.

JEREMIAH 4:19

Iwui kachot, iwui kachot! I kachotlungli ngaleokazama! Iyavo, imalungwui phākho! I malung panglāk eina katuka; I kasaikha mapampaithura; kaja ina talla̱khon shai, raiwui akhon chi.

JEREMIAH 4:21

Karankha philān chi ina yangpamra, raiwui talla̱khon karankha shāpamra?

JEREMIAH 4:5

Judahli hānglu, kala Jerusalemli vaomalānlu, “Ngalei saikora vāshungda talla̱ khonglu, panglāk eina vaoda hānglu, ‘Kazipkhuilu, ithum khangazipa keinungbing chili ungusa!’

JEREMIAH 49:2

Chiwui vang eina yanglu, zimiksho chi rārali, chitharan ina Ammonnaobingwui Rabbahli ngasung khavai raivao shāngasakra da Prohona hānga, Apam hi ngachakyāng kahai kaphung ngasāthuihaora, kala kha̱wung saikora mei thottāmihaora; chitharan Israel ngapaikakhuia athumwui eina ngapaikhuiluira da Prohona hānga.

JEREMIAH 6:1

O Benjaminwui mibing, kalāmashi khavai Jerusalemwui eina yāmulu! Tekoali talla̱ khonglu, Beth-haccheremli khamachut akha khāngkālu; kaja atungshongwui eina makaphā shimān khangasak akha rapurhaira.

JEREMIAH 6:17

Ina nawuitungli mayon khavai haimira, talla̱khon chi shālaga ning ngasharlu! da hānga. Kha athumna, “Manganāsangmara” da hānga.

EZEKIEL 7:14

Athumna talla̱ khongda ngaranriphaira, kha khipākha rai mavāmana, kaja iwui malungkhavāt saikorawuitungli tāhaira.

HOSEA 5:8

Talla̱ khonglu, Gibeahli, Ramahli khonglu. Ngashar khavaikhon Bethavenli khonglu; kathirlu, O Benjamin!

PĀNGMONSHI 23:24

“Israelnaoli hānglu, kachāng kashinewui kharethang, chingri vari eina ngasamkhuida phanit chi mayonra, chi talla̱khon eina phaningkhaunga kachishāt kathara kazip khangarumna.

AMOS 3:6

Keinungli talla̱ khonglaga makhangachee kali lei? Prohona kasā maningla kathāda keinungli kalākashi tāpaira?

ZEPHANIAH 1:16

raipan ngaveiphin kahai keinung kala hakkhamahā ngararphungli talla̱ kakhong eina raikhon khangavao zimikshona.

MISHĀN 31:6

Kala athum mi thing tharāda khani chi pāngmon Eleazarwui nao Phinehasli ngasoda raili chihovai; awui pāngli katharapamwui khorkhongbing kala khongkhavai talla̱la sangmi.

1 CORINTHNAO 14:8

Kala talla̱ kakhongana mi khangahotwui talla̱khon mathālak eina makhongakha raili vāusa kajina da khipāna theira?

KHALATLUI 20:1

“Nathumna yangkashebingli ngarar khavai khavā tharan, siguibing kala siguigaribing kala raimibing, nathumli chungkhamei theilaga nathum mangacheealu; kaja Egypt ngaleiwui eina thānshokkhame Proho nathumwui Varena nathumli ngasomida lei.

JOSHUA 6:5

Kala athumna yaovāngajiwui talla̱ kasāngkha kakhong tharan, nathum talla̱khon chi shākhaleoda, mi saikora panglāk eina vaora; chieina keinungwui ngavei chi ja̱khuptahaora, kala mi kachiva̱na angatar eina muivāra.”

WUNGVA̱-WUNGVĀ 10:12

Sidonnaobing, Amaleknaobing, kala Maonaobingna nathumli rekhareka, kala nathumna ili khangakao chitharan athumwui pāng eina ina nathumli kankhui.

WUNGVA̱-WUNGVĀ 10:8

kala chikum Israelnaobingli rekhareklak eina singkharenga. Jordan makānda khalei Ammor ngalei, kaja Gilead kaho chili kum tharāda chishat Israelwui mibing saikorali rekhareklak eina sai.

WUNGVA̱-WUNGVĀ 2:18

Prohona wungva̱-wungvā kapangkasang tharan Prohona athumli ngasomi, kala wungva̱-wungvā leilakha eina tangda ana mibingli yangkashibingwui eina kanmi; kaja athumli chotta khanang khangasakwui vang ringkhangā chi shālaga Prohona athumli lumashanmi.

WUNGVA̱-WUNGVĀ 3:27

Ana ungshung khaleoda Ephraim kaphungramli talla̱ kākhonga; kala ana mangā thānda Israelwui mibing kaphungram chiwui eina tai.

WUNGVA̱-WUNGVĀ 6:34

Kha Prohowui manglāna Gideonli ngasomida ana talla̱ khonglaga ali shurkhavai Abieznaobingli hokhui.

WUNGVA̱-WUNGVĀ 6:9

kala ina nathumli Egyptnaobingwui eina, kala nathumli rekakhareka pāngwui eina kankhuimi, kala nathumwui mangāli athumli kashamshokmi, kala athumwui ngalei nathumli mi,

1 SAMUEL 10:18

kala ana Israelwui mibingli hānga, “Israelwui Proho Varena hithāda hānga, ‘Egyptwui eina Israelli ina thānshoka, kala ina Egyptnaobingwui eina kala nathumli rekakhareka wungrambingwui pāng eina kankhui.’