MISHĀN 10:32 - Kathara Bible (BSI)

³² Nana ithumli ngasovaakha Prohona ithumli kaphā sākhami chi nalila ithumna yar sāra.”

MISHĀN 10:32 Iomraidhean Croise

PĀNGMONSHI 19:34

Nathumli ngasokazata a chi nathum kathāna da phaninglu, kala nakhalatta leikashi thāda alila leishilu; kaja nathumla Egypt ngaleili kha̱mi sāda leisai: I Proho nathumwui Varena.

KHALATLUI 10:18

Marānaowui vang kala ra̱meinaowui vang mashun bichar sāmi, kala kha̱milila leishida kashakazā kala kashankachonla ngarānmi.

1 JOHN 1:3

Ithumna theikahai kala shākahai chi nathumlila hāngkachitheina. Chieina ithumna Avāva̱ kala Anaomayara Jishu Khristali ngarumsak khalei chili nathumla ithumli ngasoda zangpaira.

WUNGVA̱-WUNGVĀ 1:16

Moseswui awova̱, Kennaopa chiwui naotungbingna Arad ngalemwui Negebli khalei lamhāngshong Judah lamhāngwui khaneirong keinungwui eina Judah mibingli ngasoda kai; kala athumna chili vāda chiwui mibingli okthuiruma.

WUNGVA̱-WUNGVĀ 4:11

Chitharan Moseswui awova̱ Hobabwui ara̱-azā Ken shangwui Heberna amāng ngateida Za-anannimwui alung Kadesh ngalemli khalei shimrimthing pamli awui kachonshim sāpamsai.

1 SAMUEL 14:6

Kala Jonathanna awui chāngvei phungkhame yarona chili hānga, “Rālu, ini ahui marimkashoka shipaibingli ayangsa; Prohona iniwui vang ngararmilapai, kaja kanmi khavai Prohowui vang teokhana lah chungkhana maleimana.”