MISHĀN 10:29 - Kathara Bible (BSI)

²⁹ Kala Mosesna, awova̱ Midianpa, Reuelwui naomayara Hobabli hānga, “Prohona ithumli ‘Ina nathumli ngalei hi mira’ da hāngkahai apam chili vaura; ithumli ngasoda rālu, nawui vang ithumna kaphā chi sāmira; kaja Prohona Israelli kaphā chi ngashitmihaidalei.”

MISHĀN 10:29 Iomraidhean Croise

HAOKAPHOK 12:7

Chitharān Prohona Abramli rāchitheida hānga, “Nawui naotunbingli ina ngalei hi mira.” Chiwui vang ana ali rākachitheia Prohowui vang apam chili hanphut akha sai.

HAOKAPHOK 13:15

kaja nana kathei ram saikora hi ina nali kala nawui naotunbingli katang mavaila mira.

HAOKAPHOK 15:18

Chithang Prohona Abramli tuingashit akha sāda hānga, “Nawui naotunbingli Egyptwui kong eina thuilaga kahaka Euphrates kong vāshungda ina khamina,

HAOKAPHOK 17:8

Kala nana zatta khalei Canaan ngalei hupta katang mavaila nawui kala nawui ara̱-azābingwui ngasā khavai mira, kala ina athumwui Vare sāra.”

HAOKAPHOK 32:12

Kha nana, ‘ina nali kaphā sāmira, kala nawui ara̱-azā mashānkharar shamadruwui situiyākha ngayāra’ da hānga.”

LAA 100:1

Ngalei hupva̱na Proholi mathānda vaolu!

LAA 34:8

O Proholi mazapyangda awui kaphā theikhuilu! Ali khangayina mi chi ringphai!

LAA 95:1

Ralu, ithum Proholi masotlaa sāsa, ithumwui huikhame lunghār chili mathānda vaosa.

SHONGZĀ 18:1

Midianwui pāngmon, Moseswui awova̱ Jethrona kashoshok saikora, kaja Varena Moseswui vang kala awui mi Israelnaobingli kathāda samimamei kala Egyptwui eina kathāda thānshokmi kaji chi shai.

SHONGZĀ 18:12

Kala Moseswui awova̱ Jethrona Vareli rikkatā kachigat kala pha̱kaphayā akha sai, kala Aaronna Israelwui ararbing saikorali thānrāda Varewui mangāli Moseswui awova̱li phazāruma.

SHONGZĀ 18:27

Chiwui thili Mosesna awova̱li pākhailaga aramshong ungngasakhaowa.

SHONGZĀ 2:18

Athumna avāva̱ Reuelwuili khaung eina, ana ngahāna, “Aja hiyākha thākta khaung hi kathāhaokhala?”

SHONGZĀ 2:21

Kala Mosesna ashiwuili pamkhavai mayāhaowa, kala ana Mosesli anaongalava̱ Zipporahli miya.

SHONGZĀ 3:1

Chitharan Mosesna Midianwui pāngmon, awova̱ Jethrowui yao homsai; kala lamhāngwui zingtunshong Horeb, Varewui phungreili homvai.

SHONGZĀ 3:8

Chieina athumli Egyptnaobingwui eina kanshok khavai, kala chiwui eina thānshokta seina̱ eina khuira̱ khalonga khamathā kala khamashā apam Canaannao, Hitnao, Amornao, Periznaobing, Hivnaobing, kala Jebusnaobingwui ngaleili thānvā khavai I katāna.

SHONGZĀ 6:4

Athumli ina iwui tuingashit sai, chiya athumna lam phāda kha̱mi thāda pānda khalei Cannan ngalei chi mirada.

ISAIAH 2:3

kala yur kachungkhana rāda hāngra: “Ralu, ithum Prohowui phungreili, Jacobwui Varewui shimli kāsa; chieina ana ithumli awui apong tamchitheida ithumna awui shongfali zatra.” Kaja Zionwui eina ain chi shokra, kala Prohowui tui Jerusalemwui eina shokra.

JEREMIAH 50:5

Athumna Zionshong mai ngareivāda shongfa ngathingda hāngra, rālu, mamalaiki kaji Proholi katang makhavai tuingashit kasā chili ithum khalattana vāzangsa.”

MISHĀN 10:28

Hithāda Israelwui mibingna shang-shangwui athishurda maron-maron eina zatphokuwa.

MISHĀN 23:19

Vare hi kakapika maningmana, lah ning ngacheiki kaje miwui nao maningmana. Ana hāngkahai ngalanrala? Lha ana matui kahai maungshung ngasakmala?

OTSAK 7:5

Chithālala Varena ali apam hili awui pamkhavai ngalei khuiningkhala mamimana, kha awui nao akhala maleisālala Varena ngalei chi ali kala awui ara̱-azāli mira da ngashitmi.

KHALATLUI 30:5

kala Proho nathumwui Varena nathumli navā ngarāwui ngalei chili, nathumna samphangluishit khavai thānungmira; kala ana navā ngarāli lāngmeida nathumli shāngmei mayāmei ngasakra.

KHALATLUI 4:40

Chiwui vang eina ina aja nathumli kagaso hiwui athishurda Prohowui shiyan kala awui ningkhamibing chi mayonlu; chithakha nathum, kala nanaongarābingla ringphāmeira, kaja Proho nathumwui Varena metchang kahai ram chili sāngmeida okthuira.”

TITUS 1:2

Chi makashimān mirinwui kachihānli pheisin sai. Makakapika Varena okathui masāranglakha mirin chi ngashitmihaikasāna,

HEBREWNAO 6:18

Chili khamataia khani lei, chiya mangacheipaiki kaji kala Varena maningmana majiki kaji china. Chieina awuili ningkhalum samphang kahai ithumwui vanga ithumwui mangāli haimi kahai kachihān chili singtit khavai panglāk eina kasatmiya.

PHONGKHAMI 22:17

Manglā kala Khām kahaiva̱ china “Rālu” da hānga. Nganāda khalei mi kachiva̱nala “Rālu” da hāngranu. Ra̱kachanga mi china rāranu, ningkachānga a china kharingwui tara̱ chi aman mamila rāmangkhuiranu.

WUNGVA̱-WUNGVĀ 1:16

Moseswui awova̱, Kennaopa chiwui naotungbingna Arad ngalemwui Negebli khalei lamhāngshong Judah lamhāngwui khaneirong keinungwui eina Judah mibingli ngasoda kai; kala athumna chili vāda chiwui mibingli okthuiruma.

WUNGVA̱-WUNGVĀ 4:11

Chitharan Moseswui awova̱ Hobabwui ara̱-azā Ken shangwui Heberna amāng ngateida Za-anannimwui alung Kadesh ngalemli khalei shimrimthing pamli awui kachonshim sāpamsai.

1 SAMUEL 15:6

Kala Saulna Kenbingli, “Thuiulu, Amalekbingwui eina ngapākthuihaolu, maningakha nathumli ina athumli ngasoda sākazamhaipaishina; kaja Israelwui mibingna Egypt eina kashok tharan nathumna lukhamashan chitheihaida lei” da hānga. Chieina Kenbing Amalekbingwui eina yāmhaowa.