MISHĀN 10:11 - Kathara Bible (BSI)

¹¹ Zingkum kakhane, kachāng kakhanewui khamaga̱thang, tuingashit oko tabernacletungwui eina muiyā chi lānkāhaowa,

MISHĀN 10:11 Iomraidhean Croise

SHONGZĀ 40:17

Kala zingkum kakhanewui kachāng kharewui kharethang tabernacle chi sakāhaowa.

SHONGZĀ 40:2

“Kachāng kharewui zimiksho kharethang kazip khavai kachonshimwui tabernacle chi khaningkālu.

MISHĀN 1:1

Egypt ngaleiwui eina athumna shokta kakhane kum, kachāng kakhanewui kharethang, Sinai lamhāngli leilakha kazip khavai kachonshimwui alungli Prohona Mosesli hānga,

MISHĀN 9:1

Israelnaobingna Egypt ngaleiwui eina shokta kum kakhanewui kachāng kharewui alungli Prohona Mosesli Sinai lamhāngli hānga,

MISHĀN 9:11

Kachāng kakhanewui tharāda khamatethang ngazin athumna mayonra; athumna khawok makazang khamui kala kakhā hannā eina ngasoda shaira.

MISHĀN 9:5

Chithāda athumna kachāng kharewui tharāda khamatethang ngazin Sinai lamhāngli makānkhami phanit mayona; Prohona Mosesli kaso kahai saikora chiwui athishurda Israelwui mibingna sai.

KHALATLUI 1:6

“Horebli leilakha ithumwui Proho Varena hānga, ‘Nathum phungrei hili sangnā pamhaira;