MISHĀN 1:53 - Kathara Bible (BSI)

⁵³ kha Levibingna ningkhami okowui tabernacle kuimareida pamda athumna mayonra, chithāda sāda mi khipānakha marānganairanu kala chieina Israel yarui ashangva̱wuitungli malungkhavāt maleimara.”

MISHĀN 1:53 Iomraidhean Croise

1 THOTRINCHĀN 23:32

Chithāda sāda Levinaobingna kazipshimla, kathara shimla athumna yangra; kala Aaronwui naomayarabing, achinā ngarāna Prohowui shimli khokharumwui ot kasālila ngachonmiki kajina.”

2 THOTRINCHĀN 13:10

“Kha ithumwui vanga Proho chi ithumwui Varena kala ithumna mahorhailakmana. Ithumwuiva Aaronwui naomayarabingna pāngmon sāda Proholi otram ngatha̱mi, kala Levinaobingna pāngmonbingli ngachonmi.

2 THOTRINCHĀN 13:11

Ngathor ngazin kachida athumna rikkatā kachigat eina nganamkaphā otyur chigatchingda sinā khamathing eina sākakhui tabletungli maiyankhamui runghaichinga, kala sināwui thaomeishongli shārkhavai thaomei ngazin kachida ngarānmi; kaja ithumwui Proho Varewui kakaso ithumna mayonchinga, kha nathumna ali malaihaowa.

JEREMIAH 23:15

“Chiwui vang marānbingwui pongli saikorawui Prohona hithāda hānga: yanglu, athumli ina thingkhā akha chishaira, kala mangkhavai kathiri kasanga tara̱ mira; kaja Jerusalemwui marānbingwui eina makathara saikorali shivāthaira.”

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

PĀNGMONSHI 10:6

Kala Mosesna Aaron eina anaomayara khani Eleazar eina Ithamarli hānga, “Nathumwui kuisam makhalaalu; kachonla maserkhakalu, nathum thihaipaishina, mibingwuitungli malungkhavāt rāpaishina, kha Prohona chuingasakta chuikathat hiwui vang nachinā ngarā Israel shimkhur katongana sifaranu.

MISHĀN 1:50

Kha Levinaobingli ningkhami okowui tabernacle chiwui thongthāngbing kala chili khalei saikora chi yangkhavai kapangsanglu. Ashina tabernacle phungzatra kala chiwui ot saikora ashina yangpamra kala chiwui kuikhamareili ashi pamra.

MISHĀN 1:54

Chithāda Israelwui mibingna sai; Prohona Mosesli kakaso tākam eina athumna sai.

MISHĀN 16:46

Kala Mosesna Aaronli hānga, “Nawui thaokhong khuida hanphutwui eina mei shārkākhuilu, kala nganamkaphā thao sanglaga yarui ashangva̱wui alungli thāklāk eina khuivālu, kala athumwui vang pheomiranu; kaja Prohowui eina malungkhavāt chishothaida kazātkashi haophokhaira.”

MISHĀN 16:9

Israelwui Varena nathumli Israel yarui ashangva̱wui eina ngateida kapangkhuida ali nganai khangasak, Prohowui tabernacleli otram ngatha̱ khangasak, kala yarui ashangva̱li nganing ngasakta otram ngatha̱ khangasak hi nathumwui vāng teolak kahai otna da phaningla?

MISHĀN 17:7

Kala Mosesna khāmshui saikora chi ningkhami oko haikhavai kachonshimli Prohowui mangāli haimi.

MISHĀN 2:17

“Chieina kazip khavai kachonshim kaphungabing china zatta Levishiwui rāmrahna shang khangateiwui alungli zangra; athumna rāmrah vākasā chithāda athumna chi tākam eina zatra, athum ava̱va̱na kachichāwui philān athishurda ngasozatra.

MISHĀN 3:23

Gershonwui shimkhurbingna tabernaclewui khanuk zingtunshong shim sāki kajina.

MISHĀN 3:29

Kohatwui naomayarabingwui shimkhurbingna tabernaclewui azingshong rāmrah sāki kajina,

MISHĀN 3:35

Kala avāva̱ ngarāwui shimlak athishurda Merari shimkhurwui kathāna, Abihailwui nao Zurielna; ashina tabernaclewui atungshong rāmrah sāra.

MISHĀN 3:38

Kala tabernaclewui mangā zingshoshongwui rāmrahli khaleibing, kazip khavai kachonshimwui mangāli Moses eina Aaron kala naomayarabingna, Israelnaobingwui vang athumna katharapamli otram ngatha̱mira; chili rākhanganai mi chi shaothatra.

MISHĀN 31:30

Kala Israelli khami tangkhaiwui eina milapai, seilapai, gadhālapai, kala yaolapai, sha̱keibing hangphangāngāli ava̱va̱ khuira, kala Prohowui tabernacle yangda khalei Levinaobingli mihaolu.”

MISHĀN 31:47

Israel katongawui yar tangkhai chiwui eina mila, sha̱keila hangphangāngāli ava̱va̱ Mosesna khui, kala chi Prohona kaso kahai athishurda tabernacle khayanga Levibingli mihaowa.

MISHĀN 8:19

Kala Levinaobingli Israel mibingwui eina Aaron eina awui naomayarabingli lemmet sāda ina mikahaina, kala athumna kazip khavai kachonshimli Israelnaobingwui vang otram ngatha̱ra, kala Israelnaobingwui vang pheomi khavai, chithāda sāda Israel mibingna katharapamli rākhanganai chitharan kalākashi mashokmara.”

2 TIMOTHY 4:2

Tui chi hāshoklu, kumkashok kumkazang mayangalu, theikhui ngasaklu, machinlu, katomlu, ningzingharingda tamkachithei machokchaihailu.

1 SAMUEL 6:19

Kala athumna Prohowui okoli yangkakāwui vang ana Beth-shemehwui mi kaikha sāthathaowa; ana mi hangshini sāthata; Prohona mi kachungkha sāthat kahaiwui vang mibingna chapngachai.