MICAH 7:4 - Kathara Bible (BSI)

⁴ Athumwui ngachaili phāmeikap kaje chiya phanāng kathāna, mashungmeikap kajena ka̱shāt kathāna. Athumli yangki kaji kala athumli tandi miki kaji atam rāhaira, ara athum pa̱ngapāki kaji nganaihaira.

MICAH 7:4 Iomraidhean Croise

ISAIAH 10:3

Katāva̱wui eina siphan zingrotwui alungli tandi mikhavai, rāki kaji zimikshothang nathum khi sāra? Ngachonmi khavai khipāli yāmvāra, kala nathumwui lan kali nothāhaora?

ISAIAH 22:5

Kaja saikorawui Proho Varivarana ngashumkakang, yāmung yāmvāda, pa̱khangapāwui phākho shaokakhai, kala phungreibingli khangavao, zimiksho akha ngarānhaira; khamahāwui tampākli.

ISAIAH 55:13

Ka̱shātwui mahut cyprus thingrong phorra, kashātrongwui mahutli myrtle thingrong phorshokra; kala hi Proholi phaningung khavaiwui vangna, makatathailakla leichingki kaji khamachut akhawui vangna.”

JEREMIAH 10:15

Athum chi kānkhanā makhalei mangshong eina sākakhuina. athumli tandi khami atamli athum shimānhaora.

JEREMIAH 11:23

athum akhala mashākmimara. Kaja Anathothwui mibingli ina shāt khuirāra, athumwui tandiwui atam kharā tharan.”

JEREMIAH 46:21

Ana masākakhui raimibing eina tangdala, keimathao kahai seinaobing thāhaira, mha, athum ngareithuida yāmrumserhaira, athum manganingrarthuwa, kaja athumwui unshimui atam athumwuitungli rāhaira, athumwui tandi atam rāshunghaira.

JEREMIAH 8:12

Ningkakachai ot kasā tharan athum khayakla? Maningmana, athumna makhayakphaphutmana; kathāda mai hungra̱khala dala matheimana. Chiwui vang kongluikasangbingwui alungli athumla kongluisangra; ina athumli tandi khami atamli athumlila maikashi mira” da Prohona hānga.

EZEKIEL 2:6

“Kala miwui naomayara na, athumli mangacheealu, chili lāngda athumwui tuili mangacheealu; nana ka̱shāt-ka̱renglungli zatlala kala nana seithattungli pamlala; athumwui tuili mangacheealu, kala athumwui azak yanglaga mangacheealu, kaja athum hiya ngakaikashi shimkhurna.

EZEKIEL 28:24

“Kala Israel shimkhurwui vanga athumli zakshilāk eina kasā kala khamashātabingwui mangāli, lenghuina mapharikluimara, ka̱shātna marungluimara. Chitharan I Proho VAREna da athumna theikhuira.”

AMOS 8:2

Kala ana hānga, “Amos, nana khi theikhala?” Chieina Ina ngahānkai, “Lumkachāngwui athei lukkhatkha thei.” Chieina Prohona ili hānga, “Iwui miyur Israelwuitungli khangachang atam rāhaira; Ina athumli chi mangacheimilui mara.

NAHUM 1:10

Ngaphāngkatarai ka̱shāt thāda, thengkahaiya lanji thāda athum shimānhaora.

LUKE 21:25

“Zimik, kachāng, sirā saikorali matakhak kahai kachungkha shokra, kala shamadruwui tara̱ khangaphaokhon shāda khangachee eina okathuili pa̱khangapāwui kachotkachāng rāra.

HEBREWNAO 6:8

Kha ka̱shāt eina khawomāng kaphor ngalei chi kānkhanā maleimana; chili Varena khonshikapaiwui kalāshāt lei kala mei eina shimān ngasakra.