MICAH 7:3 - Kathara Bible (BSI)

³ Makaphāwui vang athumna themlāk eina sai; wungnao eina bichar kasaana pheizā poi, kala khangama mi china awui makaphā sākhangai chi hāngzata, hithāda athumna otsakruma.

MICAH 7:3 Iomraidhean Croise

CHĀNSAM 16:30

Mik kakashi mina makhamashung otsak ngarāna, morchai kakatim mina makaphā shokngasaka.

CHĀNSAM 17:23

Mashunli masho ngachei ngasak khavai makhayaana ngathumda pheizā zai.

ISAIAH 1:23

Nathumwui wungnaobing ngakaikashe kala khalebingwui ngasotnaona. Mi kachiva̱na pheizā ningchānga, kala khalem eina khamili kharomzata. Avāva̱ makhaleibingli manganingmimana, kala ra̱meiva̱wui kasakli mayangsangmimana.

ISAIAH 26:21

Kaja yanglu, Proho awui pamwui rārāli; mikumoli athumwui moreiwui vang danti mikhavai, kala okathuina awuitungli ashee tākahai chi lānchitheida, sāthat kahaibing chi mathumiluimara.

ISAIAH 3:5

Mibing akha eina akha rekharek ngarokra, ngasotnao eina ngasotnaola, khongnainao eina khongnainaola; khanuinaona khararnaoli, khangazanala khangamali machāpmimara.

ISAIAH 32:7

Kakapikawui makaphā zakshilāka; ana makaphā awormang sai, kapikta kachāmbingli shimānkhavai sai; khangazana miwui shongrun mashunglala.

ISAIAH 5:23

khayonali pheizā khuilaga chiho kahai, kala khayon makhalei mili athumwui samphangrān masamphang khangasak athum chi kakhanang ngasāranu.

JEREMIAH 3:5

ana malungvātchingrala?’ ana katang eina tangda mapenmarala? da nana mangakaomala? Yanglu, nana hānghaira, kha nana makaphā ot nawui sākhangai eina tangda sai.”

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 8:10

Chiwui vang apreiva̱ ngarā kateili mihaora, luila yuikakhuibingli mihaora; khikhalajila teomeithui kaji eina thuida reimeikap kaje kāshungda makhamashungwui tongkazāli kārama; marān eina thuida pāngmon kāshungda mamashunglakla sai.

EZEKIEL 22:12

Nathumwui ngachaili kaikhana shaothat khavai pheisā zai; khongnainaolila lupāranu, otranu, atār kachungkha khuida tongzai; laga ile malaikhokhaowa, da Proho VAREna hānga.

EZEKIEL 22:27

Awui alungli khalei wungnaobing, khara̱ngna sā makeikakhanār thāda, ashee tāngasaka, makhamashung apong eina tongkhavai manglā sāshimāna.

EZEKIEL 22:6

Yanglu, nawuili khalei Israelwui wungnaobingna kachichāwui pangshap athishurda ashee katā ot sai.

EZEKIEL 34:21

Khikhalajila nathumna khangazanbingli ngaheilaga, angaji eina thotta katātāva̱li kashamvāser kahaiwui vang,

EZEKIEL 9:9

Chieina ana ili hānga, “Israel eina Judahwui shimkhurna yonkahai hakmahākachangkhata; ngalei ashee eina pemhaira, kala keinung mashun makhaning otsakna pemhaira, kaja athumna, ‘Prohona, ithumwui ngalei horhaira, kala ana matheimimana’ da hānga.

HOSEA 4:18

Khamaripa kānglup, athum khalattana khayor sha̱naoli ngasopi; athumwui tekhamateipāle kakhayak otsakli leishimei.

HOSEA 7:3

Athumwui makhayā china athumwui awungali mathān ngasaka, kala athumwui sākahai china wungnaobingli mathān ngasaka.

AMOS 5:12

Kaja nathumwui khayonkhamāng kayākhakhala kaji ina thei, kala nathumwui morei kayākha hakmahākhala kajila— khangarong mili rekakhareka, pheizā kazābing, khavāta mibingli ngaveili ngareithui ngasak kahaibing!

MICAH 2:8

Kha nathumna iwui miyurli yangkashe thāda ngasunga; chingrikahaibing, raiwui kaphaning maleila chihansa̱ zatta khaleibingwui kachon raitāmi hai.

MICAH 3:11

Chiwui akhavābingna pheizāwui vang bichar sai, pāngmonbingna aman khuida tamchithei, marānbingna pheisāwui vang phonga; chithālala athumna Proholi chihānda hānga, “Proho ithumwui ngachaili maleimala? Ithumwuitungli makaphā marāmara.”

MICAH 3:2

Kaphāli ningkachailaga makaphāli leikashe nathum, iwui mibingwui ahui laishokkhamebing; kala athumwui aphi ara̱kuiwui eina hemkakhuibing;

MATTHEW 26:15

hānga, “Ina ali nathumwui pāngli miakha, nathumna ili khi mirakhala?” Athumna lupā thumrā shānshoklaga ali mihaowa.

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.