MICAH 7:2 - Kathara Bible (BSI)

² Vare katheia mi okathuiwui eina shimānhaira, kala mashun eina kasā mi khipākha maleithura; athum saikora asheewui vang rimpama, kala mi kachiva̱ khailan singlaga achināli kharoma.

MICAH 7:2 Iomraidhean Croise

LAA 10:9

Kazingkha̱na awui ngathum khavaipamli ngathumda rimkapam thāda, ana khangazanali tukkhui khavai ngathumpama, ana awui khalenli kashamsanglaga ana khangazanali tukkhui.

LAA 12:1

Ngachonmilu, Proho, kaja kathara akhala maleithura; kaja shitkasangabing miwui naomayara ngarawui eina shimānserhaira.

LAA 12:2

Mi kachiva̱ awui khongnaili kapika; khamorli sotmasaolaga ning khani sāda matui.

LAA 57:6

Iwui chonsang khavai athumna khalen sangda; ining suitāhaowa, iwui shongfali athumna chom chuiya, kha athum khalatta chili tāzanga.

CHĀNSAM 1:11

Athumna, “Ithumli shurlu, ithum ngathumda phama̱ ashaosa, khayon makhalei mili ngathirai asāsa;

CHĀNSAM 12:6

Makhayāwui tuina ashee shokkhavai rimpama, kha mashungrik kahaiwui khamorna mibingli kanshokmi.

ISAIAH 3:5

Mibing akha eina akha rekharek ngarokra, ngasotnao eina ngasotnaola, khongnainao eina khongnainaola; khanuinaona khararnaoli, khangazanala khangamali machāpmimara.

ISAIAH 57:1

Khangaronga mi shimāna, laga khipānakha ningli sakta makhuimana; wuklung kathar mi khuithuihaowa, khipānakha matheishingkakhui atamli. Kaja unshimuiwui eina khangarong mili khuithuihaoda,

ISAIAH 59:7

Athumwui phei makaphāli yongzata, khayon makhaleiwui ashee katāli athumna thaklāka, athumwui ningphanin morei ningmānga, athumwui chānreili ngachakyāng kahai shaokakhai shaokatekmānga.

ISAIAH 9:19

Ashangva̱wui Prohona malungkhavātwui vang ngalei chi chuitāhaowa, kala mibing meiwui vang thing thai; khipānakha achināli mashākhaimana.

JEREMIAH 16:16

“Yanglu, ina khai kaphā mi kachungkha hohaira, da Prohona hānga, kala athumna phākhuira; chiwui thili ina sākharenga kachungkha chihora, kala athumna phungrei-phungrā pam kachida kala lungkai kachida athumli rengzatra.

JEREMIAH 5:16

Athumwui malākhor chikhur phut kahai thai, kapingpinga mimānga.

JEREMIAH 5:26

“Iwui mibingwui alungli makhayā mi zanga; athumna khalen kasangbing thāda rimpama. Athumna vanao khalen sangda mibingli tukkhui.

JEREMIAH 8:6

Athumli ina theimida shāmihaira, kha athumna khamashungtui mahāngmana; athum khipānakha makhayāwui eina ning mangateimana, ‘Ina khi sāhaoda?’ da ngahāna. Siguina raiphungli angatar eina yongkhava thāda, kachichāwui ningkachāngli thuiserhaowa.

CHAPCHĀT 4:18

Yangkashebingna ithumwui shongfalila mazatpai khavai ithumwui pheikār shurzata; ithumwui khangachang nganaihaira; ithumwui atamla shānphokhaira ithumwui khangachang rāhaira.

EZEKIEL 22:12

Nathumwui ngachaili kaikhana shaothat khavai pheisā zai; khongnainaolila lupāranu, otranu, atār kachungkha khuida tongzai; laga ile malaikhokhaowa, da Proho VAREna hānga.

EZEKIEL 24:6

“Chiwui vang Proho VAREna hithāda hānga: Ashee katā keinung, maripaih kashutla makatā ham chi kalākashi ngasāranu! Chiwui eina sā malim chi makapangla amalim ava̱va̱ khuishoklu.

HOSEA 5:1

Hi nganālu, O pāngmonbing! Khuisanglu, O Israelwui shimkhur! Nganāsanglu, O awungawui shimkhur! kaja bichar chi nathumwuina; kaja na Mizpahwui vang khalen ngasāhaira, kala Taborli khailan horror kahaina.

HOSEA 6:9

Phama̱kashaobingna mi akhali rimkapam thāda, pāngmonbingna sakrumda lei, athumna Shechemwui shongfali mi shaothata, mha, athumna khangashao ot sāhaira.

MICAH 2:8

Kha nathumna iwui miyurli yangkashe thāda ngasunga; chingrikahaibing, raiwui kaphaning maleila chihansa̱ zatta khaleibingwui kachon raitāmi hai.

MICAH 3:10

ashee eina Zion kala khayon eina Jerusalem sākakābing.

MICAH 3:2

Kaphāli ningkachailaga makaphāli leikashe nathum, iwui mibingwui ahui laishokkhamebing; kala athumwui aphi ara̱kuiwui eina hemkakhuibing;

ZECHARIAH 11:6

“Kaja ngalei hili okathuibingli ina malumashanluimara, da Prohona hānga. Yanglu, mi kachiva̱ kachichāwui yaokahoma kala kachichāwui awungawui pāngli pitā ngasakra; kala athumna ngalei hi sākazamra, kala ina athumwui pāng eina makanmimara.”

OTSAK 24:9

Jihudibingla zangda kaphen saikora hi mashunga da hānga.

1 SAMUEL 24:11

Theilu, ishāvā, nawui kachon khara̱ hi, kaja ina nawui kachonmarei ngakakkhuilaga nali masāthatmana; hi eina nana theira, iwui khalāng lah nali sākashi khikha maleimana kaji theilu. Nana imanglā khuikhavai sālala iva nawuitungli morei masālakmana.

1 SAMUEL 26:20

Chiwui vang eina Proho khaleipamwui eina tāda iwui ashee ngaleili matātung ngasakmilu; kaja Israelwui awungana imanglā khuikhavai vānao kakap thada phungreili ili rengzathaira.”