MICAH 5:3 - Kathara Bible (BSI)

³ Chiwui vang eina ana athumli naokhara̱va̱ china mapharāranglakhawui atam eina tangda chihosāra; chiwui thili awui chinaongarā khangateibing Israelwui yurli latungra.

MICAH 5:3 Iomraidhean Croise

1 WUNGNAOBING 14:16

Kala Jeroboamna morei sālaga ana Israelli morei sākhangasakwui vang, Israelli horhaora.”

2 THOTRINCHĀN 30:7

Navā ngarā, nachinā ngarāna Proho Vareli mashitkasangwui vang mutmi kahai nathumna theihaira, athumwui thāda masaalu.

LAA 67:3

O Varivara, mibingna nali masot miranu, mi saikorana nali masot miranu!

ISAIAH 11:11

Chitharan Assyriali, Egyptli, Pathrosli, Ethiopiali, Elamli, Shinarli, Hamathli kala shamadrupheiwui ngalemli shākkahaibingli kazipkhuiluishit khavai Prohona kakhane sāda awui pāng tāngvāluira.

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

JEREMIAH 23:5

“Yanglu, Davidwui vang ina khangaronga Aphāng akha shokngasaki kaji atam chi rārāli, kala ana awunga sāda mungra kala thangmeilak eina sāra, kala ngalei hili mashun kala khangarong eina bichar sāmira.

JEREMIAH 31:1

“Atam chitharan, da Prohona hānga, ina Israel shimkhur saikorawui Vare ngasāra, kala athum iwui mi sāra.”

EZEKIEL 34:16

“Shimān kahaibingli ina phākhuira, kala pākthui kahaibingli ngakuikhuira, sheikasha̱bingli ngahāmira, khangazanbingli pangngasakra, kala asā kaphābing kala kapangabing chili mashun alungli phauira.”

HOSEA 11:8

Kathāda ina nali chihohaipaira, O Ephraim! kathāda ina nali kateili horsangmipaira, O Israel! Kathāda ina nali Admah thāngasakpaira! Kathāda ina nali Zeboiimli kasā thāda sāpaira! Iningna chi mamayāmana, iwui lukhamashan mataisangmān kala nimamāna.

HOSEA 2:14

Chiwui vang eina yanglu, ina ali suira, kala lamhāngli ali thānvāra kala nimshimri eina ngazekra.

HOSEA 2:9

Chiwui vang eina mahā atamli ina iwui tharāzāt kala drakhāthei kaphā atamli drakhāra̱ khuithuihaora; kala awui khamahong faror khavai iwui sahā, kala khamenga kachon khuithuihaora.

AMOS 5:15

Makaphāli ningkachaida kaphāli leishilu, kha̱lungli mashun leingasaklu; chithākha, Proho ashangva̱wui Varena, Josephwui shākkahaibingli lumashanra.

MICAH 4:4

Kha mi kachiva̱ kachichāwui drakhārong kala khaorārongwui azingli pamra, kala khinakha athumli mangachee ngasakmara; kaja saikorawui Prohona hānghaira.

MICAH 4:7

kala phei katekbingli ina shākkahai ngasā ngasakra; kala horkahaibingli kapanga yur akha ngasā ngasakra; kala Zion Kaphungli Prohona athumwuitungli arui eina thuida katang mavaila mungra.

MICAH 5:7

Chiwui thili Jacobwui shākkahaibing chi miyur kachungkhawui alungli leira, mibingwui vang makhangaraia, mikumowui vangla mahuikhanganonga Prohowui eina kharā ikra̱ thāda, khawotungli zingpā tākharor thāra.

MICAH 5:8

Kala Jacobwui shākkahai yurbingwui ngachaili leisāra, miyur kachungkhawui alungli leira, kazingkha̱na khararwui sāyurbingwui ngachaili, kazingkha̱naona yaoshangbingwui ngachaili leida, chi rākashok tharan ana naikazamda serkazam kahai thāda, chili ngatangkhui khavai khipākha maleisāmara.

MICAH 6:14

Nana phazāra, kha mathomara, thaishon thaithaira; nana taihaira, kha makharuikhuimara, kala kharuikhui kahai chi raighai eina shimān ngasakra.

MICAH 7:13

Kha okathui hi mibingwui vang eina, kala athumwui otsakwui vang eina ramcho sāhaora.

ZECHARIAH 10:6

“Kala Ina Judahwui shimkhur pang ngasakra, kala ina Josephwui shimkhurli huimira. Athumli ina khuiungluishitra kaja ina athumli lumashana, kala athum ina mahorhailakrang kajebing thāra; kaja I athumwui Proho Varena, kala ina athumli ngahānkāmira.

MATTHEW 1:21

Ana naomayara akha pharāra, nana awui ming Jishu phokra, kaja ana awui mibingli athumwui moreiwui eina huikhuira.”

MATTHEW 12:50

Kaja kazingramli khalei iwui Avāwui kaphaning kasaa chi igatona, izarva̱na kala ishava̱na.”

MATTHEW 25:40

Chieina Awunga china ngahānkāra, ‘Kachangkhat ina nathumli kahāngna, ichinābingwui ngachaili teomeikap kaje akhali nathumna sāmi kahai chi nathumna ili sākhamina.’

ROMNAO 8:29

Chinaongarā kachungkhawui ngachaili Anaomayarana naochizai ngasāngasak khavai Varena kapangping kahaibing chi Anaomayarali ngarui ngasak khavai phaishokhaira, kala Anaomayarana naongarā chiwui naochizai sāra.